El primer conceyu de la organización de l’Arribada definió importantes novedaes nel entamu del eventu pa esti añu. En primer llugar, la duración. La edición viniente, que yá ye la quinta, tendrá’l so empiezu nel mes d’abril y l’acabu nel mes de payares, ye dicir, les actividaes de l’Arribada allongaránse durante ocho meses. Pa ello, dixébrase en tres estayes; Vagamar, Per Asturies y Rolda.

Un 60% de los nuestros llectores taría por recuperar figures como l’Esteru, un personaxe que tuvo presente na tradición del oriente d’Asturies y anguaño tovía vivo en dalgunos conceyos del occidente de Cantabria, onde apaez na cabalgata de reis. L’Esteru vien a ser la versión asturiana del Papa Noel, yá presente na nuesa cultura por mor de cientos de películes y series norteamericanes.

Nun nuevu mensaxe, Al Qaeda vuelve amenazar al Estáu español y francés. Nél, el llugarteniente d’Osama Bin Laden, Aymán al Zawahiri, fala de recuperar Al-Ándalus y “llimpiar” el Magreb de los “infieles”. Nel videu pue vese’l territoriu a conquistar, qu’ocupa tola Península Ibérica y llega acullá de los Pirineos, pero que nun incluye Asturies, Cantabria y una parte del País Vascu.

El voceru del Bloque por Asturies, Pablo Fernández, pidió-y al nuevu arzobispu, Jesús Sanz, l’usu con normalidá dientro de la ilesia de la llingua asturiana. Pa la organización l’usu del idioma del país dientro de la ilesia, pondría la institución eclesiástica “en sintonía cola realidá social”.

El Comité Executivu del Conseyu de la Mocedá d’Uviéu aprobó instalar software llibre n'asturianu nes sos dependencies. La propuesta de resolución foi presentada pola organización de mocedá Fai! y va conllevar la conversión de tolos equipos del Conseyu a software llibre non privativu n'asturianu. Amás, la resolución instaba a que'l presidente del CMU solicitare al Ayuntamientu, el desaniciu del software privativu de toles dependencies públiques y d'alministración d'Uviéu.

Esti 2009 qu'entamaba con 1.400 muertos en Gaza y que ta a piques de finar foi l’añu de la crisis y de la Gripe A. Tamién foi l'añu d'Obama, de pelotazu en Cabueñes, de golpe n’Hondures, de paru d’Altos Fornos, de traxes de Camps, de Furaco y Tola, d'adiós del rei del pop, de siguir en Primera, d'Irán verde, de Niemeyer, de Tratáu de Lisboa, de Caxa Castiella-La Mancha, d’Aminetu Haidar, de financiación autonómica, de Copenhague y de Valledor. Pero tamién foi l’añu de les 10.000, d’Hevia, d'UNESCO, de Gotor, de Conseyu d’Europa, d’Alfredo González, de minor, d’Arias y de Cangas.

UNA-Cangas solicita al presidente de la Mancomunidá del Suroccidente José Antonio Mesa, que nun castigue a los cuidadanos cangueses “cona sua actitú de privación de medios pa l.limpiar cais ya carreteras en Cangas de nieve ya xelu al empar que ponga darréu a disposición de los ciudadanos los medios pa que Cangas nun tenga que tar n'estáu d'emerxencia”. UNA pide que s'abra una investigación de por qué nun se faciliten los medios disponibles pola Mancomunidá al Conceyu de Cangas cuando ésti los reclama.

Dende’l Grupu d’Ornitoloxía Mavea informen de l'apaición de seis aves muertes na Reserva Natural Parcial de la Ría de Villaviciosa. Los fechos ocurrieron el pasáu día 29 y el Grupu pidió-y a la Conseyería de Mediu Ambiente una investigación, con sanciones exemplarizantes, “yá que nun pue permitise esti desafíu a l'alministración”, señalen.

El presidente de la Xunta de Galicia, Alberto Núñez Feijóo, xunto’l Conseyeru d’Educación, Jesús Vázquez, fixo públicu ayeri’l nuevu borrador del decretu de llingües pal enseñu non universitariu. De llegar a aprobase, nel país vecín habrá una educación en gallegu, castellán ya inglés a partes iguales. Amás, los padres participarán na eleición del idioma pa cada materia.

La televisión pública asturiana (TPA) va emitir tolos sábados, a les diez de la nueche, un partíu de la lliga española de Primera División tres algamar un alcuerdu cola canal estatal La Sexta. El primer partíu va emitise’l sábadu dos de xineru y nél, Héctor Alonso encargaráse de narrar l’alcuentru ente l’Atlético de Madrid y el Sevilla dende l’estadiu Vicente Calderón.