Un 60% de los nuestros llectores taría por recuperar figures como l’Esteru, un personaxe que tuvo presente na tradición del oriente d’Asturies y anguaño tovía vivo en dalgunos conceyos del occidente de Cantabria, onde apaez na cabalgata de reis. L’Esteru vien a ser la versión asturiana del Papa Noel, yá presente na nuesa cultura por mor de cientos de películes y series norteamericanes.

Mientres, un 34% de los llectores nun ta d’alcuerdu con asturianizar la figura del homón de barbes que lleva-y regalos a los neños, dixebrándose nun 22% los que camienten qu’hai que conservar primeru lo que ta más vivu, como l’aguilandu o los Sidros, y un 12% que diz que lo tradicional n’Asturies siempre foron los Reis Magos.

Asturies.com abre güei una nueva encuesta pa que votéis pola que consideráis que ye la noticia más positiva que-y paso a la llingua del país nel añu 2009.