El director de Greenpeace España, Juan López de Uralde, espera tornar a España esta tarde "si too va bien", dempués de quedar en llibertá tres pasar 20 díes en prisión preventiva en Dinamarca por colase na cena de xefes d'Estáu y de Gobiernu ofrecida pola reina Margarita demientres el Conceyu del Clima de Copenhague. De la mesma manera, denunció que se "saltaron derechos humanos básicos" demientres la so detención.

Según señalen los organizadores del “Meyor Blogue n’asturianu 2009”, hasta agora un total de 22 blogues ya mandaron les sos votaciones y, de momentu, los votos tán bien repartíos ensin que nengún blogue encabece nidiamente la llista.L’últimu día pa votar ye’l 31 de xineru zarrándose la recepción de mails a les 24 hores. A partir d’ehí, en cuanto tea recopilada tola información, espublizaránse los resultaos de los blogues ganadores.

El Bloque por Asturies camienta que l’Alcalde de Llaviana, Adrián Barbón, y el propiu Ayuntamientu nun fixeron un res por esclariar la muerte de truches nel ríu Nalón, tres qu’esti branu pasáu, a l’altura de Puertu l’Arcu, un vertíu provocara los fechos. Pal Bloque, l’Ayuntamientu nun ta actuando contra los responsables de los vertíos.

La situación del asturianu na vecina Cantabria va ser una de les materies que tratará la Xunta d’Escritores Asturianos. Na conferencia de Xaviel Vilareyo, “La llingua d'Asturias de Santiyana”, ponencia que tendrá llugar el día 11 de xineru a les 18,30 nel Palaciu Villa Madalena d'Uviéu, analizaráse la vitalidá del asturianu oriental.

El númberu de paraos rexistraos nes oficines d'emplegu asturianes asitióse a últimos del 2009 nun total de 75.837, tres subir en 12.223 persones a lo llargo del pasáu añu, lo que supón un 19,21% más que nel 2008.

Trátase d'un porcentaxe llixeramente inferior al esperimentáu nel conxuntu nacional, que foi del 25,4%, hasta llegar al desemplegu al borde de los cuatro millones de paraos (3.923.603, la cifra más alta dende 1996). Ello débese a una subida nos últimos doce meses de 794.640 desemplegaos, según datos espardíos güei pol Ministeriu de Trabayu y Inmigración.

El vicesecretariu xeneral del PSOE, José Blanco, asegura que de cara al 2012, nun contempla nenguna "otra posibilidá" qu'un tercer mandatu del presidente del Gobiernu, José Luis Rodríguez Zapatero. Nuna entrevista con Europa Press, Blanco almitió que pue haber quién tenga dudes sobre esti asuntu, pero apuntó que "por supuesto, él nun les alimenta, y el Partíu Socialista tampoco".

La Conseyería de Mediu Ambiente, Ordenación del Territoriu y Infraestructures unviará nos próximos díes a la Fiscalía de Mediu Ambiente l'informe sobre les aves muertes na ría de Villaviciosa, unos fechos asocedíos el día 30 d'avientu na Reserva Parcial de Villaviciosa. L'oxetivu ye que la Fiscalía investigue les causes y trate d'esclariar los fechos.

Les redes sociales tán de moda y dientro d’elles los grupos. En Facebook, anguaño, podemos ver  xente que reivindica dende que nun haya crucifixos nes escueles, hasta los qu’odien los papa noeles nos balcones. Dende l’humor hasta la reivindicación, too cueye dientro de Facebook. Y anque la rede social tovía nun usa l’asturianu, hai un bon garapiellu de grupos que reivindican la llingua y la cultura del país.

Coordinadora Ecoloxista d'Asturies mostró güei'l so refugu a la construcción d'una incineradora n'Asturies, al considerala como una alternativa "peligrosa" y "cara" pa los ciudadanos.

L'autor de la novela en llingua asturiana 'La bufanda', acabante de ganar la última edición del premiu de narrativa de la editorial Trabe, David Artime, espera que la obra aporte una visión diferente sobre'l mundu de los ultres y les hinchaes, amás d'averar al públicu mozu a la lliteratura asturiana, por será ésta una temática "casi virxe" n'España.

En declaraciones a Europa Press, Artime esclarió que tovía nun se sabe cuándo saldrá la primer edición del so trabayu, una entruga que, asegura, yá-y ficieron delles persones. La editorial comunicó-y que será "lo primero posible".