Al Qaeda fai un llamáu pa conquistar tola Península, pero dexa fuera Asturies y el restu de territorios cantábricos

|

Nun nuevu mensaxe, Al Qaeda vuelve amenazar al Estáu español y francés. Nél, el llugarteniente d’Osama Bin Laden, Aymán al Zawahiri, fala de recuperar Al-Ándalus y “llimpiar” el Magreb de los “infieles”. Nel videu pue vese’l territoriu a conquistar, qu’ocupa tola Península Ibérica y llega acullá de los Pirineos, pero que nun incluye Asturies, Cantabria y una parte del País Vascu.

Sicasí, los musulmanes si entraron n’Asturies al traviés del Camín Real de la mesa y asitiaron la capital de los dominios trescantábricos en Xixón, baxo’l mandu del gobernador Muruza. La dominación duró del añu 713 hasta'l 722 (que ye l'añu nel que se piensa que tuvo llugar la vitoria na batalla de Cuadonga) cola guerra qu'espulsaría a los musulmanes y a Munuza pol caudiellu Pelayu.
 
El mapa onde s’indica’l territoriu a conquistar, detiénse a l'altura de la localidá francesa de Poitiers, onde Carlos Marcel derrotó al exércitu islámicu nel añu 732, que ye onde se paró l’avance de les tropes musulmanes n’Europa.
 
Nel videu, subtituláu n’inglés, Aymán al Zawahiri tien un tonu amenazante sobre los estaos español y francés, nun menta a Portugal, y pide a los musulmanes tar colos sos fíos “muyahidines”. Nel mensaxe améstense imáxenes de la Mezquita de Córdoba, l’Alhambra de Granada con imáxenes de Bin Laden y la bandera prieta del Islán.

Contador Estadistiques