IU pide la paralización del proyeutu d'El Vascu

El coordinador d'IU d'Uviéu, Alejandro Suárez, solicitó al Principáu paralizar la obra del Palaciu de Xusticia d'El Vascu. Al so xuiciu, trátase de la opción más intelixente pola falta de finaciación y les duldes sobre la llegalidá de la obra.

El responsable llocal d'IU mostróse sorprendíu poles manifestaciones de la conseyera de la Presidencia nes que xustifica'l coste de la obra pol preciu del suelu nel centru d'Uviéu. Pa Suárez, "los 100 millones de dineru públicu de más que pretenden pagar por esti palaciu nun se xustifiquen nesi preciu".

Considera que la razón pola que se duplica'l coste del metru cuadráu sobre lo construyío en Xixón nun ta nos precios del suelu, na corredoria o na cai Uría, sinón que "ta nos problemes económicos de la empresa beneficiada con una operación que carez de concursu públicu".

Al so xuiciu, les dudes sobre la viabilidá económica y llegal del proyectu permiten retomar la propuesta de 'La Ciudá de la Xusticia d'El Cristo', un proyectu "con unos costes más razonables, que frena la especulación urbanística n'Uviéu y ofrez una alternativa real al barriu ante la marcha del Hospital Central d'Asturies".