UNA pide esplicaciones al Gobiernu polos precios de la vivienda

El portavoz de vivienda d’Unidá Nacionalista Asturianista, Daniel Fernández, amosó la molición de la organización énte'l datu de que “Asturies ye la segunda comunidad que menos baxa la vivienda nel 2009 según l'INE acordies colos datos del III Trimestre”.

Énte la crisis inmobiliaria que sufre'l sector de la construcción, UNA afitó qu’IU sigue aneciando n'enviar fondos públicos a los constructores y promotores privaos, “pa que sían los ciudadanos los que paguen la crisis inmobiliaria”, amestando que ye especialmente grave porque “quieren vender les midíes en vivienda como polítiques sociales cuando son subvenciones anubiertes a los constructores como venimos denunciando dende cuantayá”.
 
Dende UNA quieren señalar que la vivienda n'Asturies sigue con un preciu mui per riba del preciu de mercáu y “si nun fore pola intervención de la Conseyería de Vivienda, el preciu de la vivienda llibre baxaría abondo más”.
 
Daniel Fernández treslladó a la Conseyera de Bienesta Social, Noemí Martín la so preocupación pol motivu pa caltener la compra de viviendes llibres, “cuando'l preciu de la vivienda n'Asturies tien un descensu mui llimitáu en cuenta d'invertir direutamente en midíes pa garantizar l'accesu a la vivienda a los ciudadanos o a la construcción directa de nueves promociones públiques”.