Suatea denuncia la esmolición del profesoráu interín

Suatea esixe que'l gobiernu aclare cuál va ser la so política sobre la ufierta d’emplegu públicu docente, yá qu’al so paecer “siguen castigando al profesoráu interín que nun sabe si van convocase places de la so especialidá o si tendrá que presentase fuera d'Asturies”.

Pal sindicatu, el nuesu país nun pue siguir tando a la cola nesi aspeutu, “sumándose a les graves discriminaciones del nuesu coleutivu respeutu otres Comunidaes Autónomes”.
 
N’otru sen de coses, Suatea recuerda que la Conseyería d’Educación sigue ensin “facer los deberes” en materies como la cobertura áxil de sustituciones, “o qu’obliga a los centros educativos a dexar d’atender refuercios, desdobles, llaboratorios….”, señalen.
 
Según el sindicatu, quienes padecen esta situación son los centros educativos y,n’últimu estremu, los escolinos de tolos niveles, “con mayor incidencia los más pequeños”.
 
A la fin, Suatea esixe que’l profesoráu sepa yá d’una vegada a lo qué atenese, “amás de reivindicar la fin de los recortes encubiertos nun sector “fundamental” pal conxuntu de la sociedá.