L'Exércitu de Tailandia anunció'l fin de la ofensiva militar contra los 'camises coloraes' y aseguró que la situación en Bangkok ta baxo control.

Cuatro líderes del movimientu opositor resultaron deteníos pola Policía y un altu dirixente pidió a los sos partidarios que vuelvan a les sos cases y pongan fin a les sos protestes, según espeyen les imaxes en direuto de la televisión.

El xulgáu de lo Social Númberu 2 d'Avilés considera "improcedente" el despidu del ex direutor del Muséu de Grandas de Salime, José María Naveiras Escanlar, 'El Ferreiro'.

La Conseyería de Cultura y Turismu ta satisfecha col fallu xudicial porque “refuerza la decisión adoptada pol Consorciu pa la Xestión del Muséu Etnográficu de Grandas de Salime”.

El voceru del Bloque por Asturies, Pablo Fernández, esixó que Pepe El Ferreiro seya restituyíu "de momentu" nel so puestu de direutor del Muséu Etnográficu de Grandas de Salime.

Pablo Fernández fixo estes declaraciones a Europa Press, tres conocese la sentencia xudicial que declaró improcedente el despidu d’El Ferreiro per parte del Consorciu pa la Xestión del Muséu Etnográficu de Grandas de Salime.

El presidente del Principáu afrirmó que la regasificadora  ye un elementu clave pal desenvolvimientu enerxéticu d'Asturies y una pieza fundamental na Planificación Enerxética d'España.

Vicente Álvarez Areces pronuncióse asina mientres la inauguración de la ESPO Awards 2009, entamada con motivu de la reconocencia del Puertu d'El Musel como Meyor Puertu Européu en 2009 pola European Sía Ports Organization.

El conseyeru d'Infraestructures, González Buendía, señaló la necesidá d'entainar l'alcuerdu de xestión de los Picos d'Europa, pa llegar a ochobre con tol procesu rematáu.

Doce grupos consideren que’l censu del gallu montés amuesa’l fracasu del Principáu cola especie, col alarmante descensu en tol país y el so desaniciu na zona Centro-Oriental.

Los ecoloxistes afirmen que'l Principáu llevó a cabu una política de xestión contraria a la que suxuren los conocimientos disponibles; “siguierón facilitando l'apertura de pistes y carreteres, la minería a cielu abiertu, los roces, la repoblación con especies foranes y les quemes”.

Catorce sindicatos de la función pública asturiana convoquen una movilización pa refugar les midíes  “que pretenden facer pagar la crisis a los que nun son responsables”.

Satse, Simpa, Anpe,Osae, Staj, Csif, Usu, Usipa, Sipla, Sicepa, Acaip, Sipu y Suatea anunciaron güei rueda de prensa la manifestación que va tener llugar mañana miércoles 19 de mayu, con salida a les 6 de la tarde de la estación del Norte d’Uviéu.

El PAS celebra 25 años d’esistencia, “convirtiéndose nel partíu asturianu con más años d'actividá”, con un conciertu y una campaña que quier facer llegar a tola sociedá’l so proyeutu.

El Comité Electoral del PP d'Asturies va tener que reunise pa proponer a la direición estatal del Partíu la candidatura pa les próximes eleiciones autonómiques.