Sobre 61.000 funcionarios d'Asturies van vese afeutaos pol recorte de retribuciones de los emplegaos públicos aprobáu'l pasáu xueves en Conseyu de Ministros.

Emmanuel Le Merlus ye un bretón que ta faciendo un percorríu en bicicleta per toa Europa pa dar a conocer el so idioma y visitar 67 comunidaes llingüístiques, ente elles Asturies.

Le Merlus ye aficionáu al ciclismu y presidente de l’asociación ‘Unatet e liesseurted ar yezhou’ (Xuníos na diversidá llingüística). Salió de la so tierra’l pasáu fin de selmana direición Cornualles, la primera de les 67 comunidaes llingüístiques d’Europa que va visitar.

Los ataques d'animales salvaxes, sobre too llobu, a ganaderíes asturianes, costaron en 2009 a les aseguradores 108.165 euros, xeneraos polos daños en 325 accidentes.

Areces mostró la so satisfacción pola aprobación d'un alcuerdu pol que se declaren d'urxente ocupación los bienes y derechos afeutaos pola llinia Soto Ribera-Penagos.

El Plenu de la Xunta refugó encamentar al Gobiernu que reconoza espresamente'l carácter d'autoridá pa los maestros nel exerciciu de les sos funciones nos centros educativos.

La XPLA y Xuristes faen un llamáu a persones y organizaciones pa sumase a la so campaña énte'l l'Estáu y que "la voz de los asturfalantes se faiga oyir nes instituciones europees"

Tres anunciar Fomentu l’axuste de la inversión, Areces diz que n’Asturies les infraestructures yá tienen contratu. Mientres que Buendía diz que nun se van parar, “van promovese”.

Un equipu de xeólogos de la Secretaría Xeneral del Mar y de biólogos del Institutu d'Oceanografía descubrió un petón de corales a más de 800 metros de fondura nel Cantábricu.

El descubrimientu prodúxose mientres la campaña a bordu del buque oceanográficu Vizconde de Eza, perteneciente a la Secretaría Xeneral del Mar, y nel marcu del proyectu Indemares, según informó'l Ministeriu de Mediu Ambiente y Mediu Rural y Marín.

L'Academia de la Llingua va facer el sábadu  29 de mayu la prueba qu’acredita’l conocimientu básicu del idioma, la matricula ta abierta dende’l pasáu llunés y hasta’l día 27.

Esta ye la segunda convocatoria añal que fai la institución, la primera foi en xineru. A les persones declaraes aptes nes pruebes citaes, l'Academia dará-yos un documentu onde s'afite la conocencia nel nivel 1 o básicu.

L'asamblea de compromisarios de Central Llechera Asturiana, Sociedá Agraria de Tresformación, SAT, aprobó por mayoría, les cuentes del 2009, con 3,11 millones d'euros de beneficios.

De los 110 socios presentes na xunta, d'un total de 116 -faltaron 6 compromisarios-, 62 votaron a favor, lo que representa'l 57,31%; 47 en contra, el 41,56% y ún astúvose, el 1,13%, según indicaron en nota de prensa dende la compañía.