El Presidente del Principáu, Álvarez Areces, anunció la firma d'un conveniu pa fomentar la investigación nes escavaciones n'El Sidrón, pol periodu máximu llegal de cinco años.

Areces caltuvo esta mañana na sede de Presidencia d’Uviéu, un alcuentru col equipu d'investigadores que trabayen dende va una década nel yacimientu d'El Sidrón (Piloña).

Unes sesenta personalidaes de tolos ámbitos de la sociedá catalana presentaron un manifiestu por una única candidatura soberanista pa priorizar l'oxetivu de la independencia.

Los promotores del manifiestu son l'ex presidente d'ERC y del Parlament, Heribert Barrera; l'ex conseyeru de Xusticia Agustí Bassols (UDC); l'ex alcalde Badalona y ex diputáu del PSC, Joan Blanch; el ciruxanu y escritor Moisès Broggi; y el ciruxanu Oriol Domènec.

El 42% de los llectores camienta que’l ufrimientu d’Ana Cano de ponese a disposición de los partíos p’afitar un modelu d’oficialidá ye lo más importante del so discursu añal.

En segundu llugar, 30% de los votos, quedó la creación de la Universidá Asturiana de Brau (UABRA) qu’entamará andar n’agostu en Cangas del Narcea. Un 28% de votos tuvo l’anunciu del compromisu del presidente del Principáu, Álvarez Areces, col reconocimientu de la especialidá de los profesores d’asturianu.

Nel Día Mundial contra la Homofobia, Xega pide a les instituciones un compromisu firme contra la violencia y les discriminaciones por orientación sexual ya identidá de xéneru.

Depués del trabayu nel local d'ensayu, güei pela tarde Skama la Rede entama a grabar ‘Ye too mentira’, el tercer discu de la formación del Cabu Peñes, que pue tar na cai a finales de xunu.

‘Sarxentu Retonda’, ‘SOS. Fame en Tapia’, ‘Na nuestra realidá’, ‘Nunca vais poder’, ‘Nieva sobre moyao’, ‘Sí lo diz mio güela’, ‘Albo-rada impopular’, ‘Yes mongol’, ‘Condenáu’, ‘Ye too mentira’, ‘La resaca yá vendrá’ y ‘Pa bien o pa mal’ son los títulos de les canciones nueves que'l grupu va grabar nos Estudios Tutu de Corvera con Sergio Rodríguez.

Miles de persones partieron de l'Alameda compostelana pa reivindicar "el derechu a vivir en gallegu", convocaes por Queremos Galego, con motivu del Día das Lletres Galegas.

Nun ambiente festivu al son de tambores y metanes conseñes como "En Galiza, en galego" o "as aulas da Galiza en galego", la manifestación entamó encabezada por una pancarta na que podía lleese "O galego, a forza do noso amor", una frase d'Uxío Novoneyra, l'escritor al que nesta ocasión se-y dedica'l Día das Lletres Galegas.

María Dolores de Cospedal, afirmó que la dirección nacional del so partíu va apoyar el meyor candidatu que proponga'l so partíu n'Asturies pa les elecciones de 2011.

En declaraciones a RNE recoyíes por Europa Press, preguntáron-y pola posible candidatura de Cascos pa encabezar les llistes del so partíu na comunidá, a lo que respondió que-y "paecerá un bon candidatu" en función de qu'asina lo entienda'l PP asturianu.

Dellos trabayadores de Venturo XXI entamaron un zarru nes instalaciones "como midida de presión ente la rocea y la falta de respuestes de la dirección a los emplegaos".

Darréu diz qu’anque nos puea paecer dende l’aprobación del matrimoniu gai, la igualdá nun la decide la llexislación, “hai que concenciar y lluchar por camudar la mentalidá de la xente”.

La Federación Escuela Valencia denunció que la Conseyería d’Educación autonómica ta impidiendo l’apertura de nueves clases dafechu en catalán, “cuando la ufierta ye insuficiente”.

El pasáu vienres acabó'l periodu de matriculación pal cursu que vien nes escueles del País Valencianu. La Federación Escuela Valenciana (FEV) prevé que, un añu más, miles de families nun vean respetaos los sos derechos llingüísticos, yá qu’a pesar de solicitar enseñanza en catalán van recibila en castellán porque la ufierta en llingua catalana ye insuficiente, anguaño sobre’l 25%.