El Bloque por Asturies celebra mañana sábadu, nel Hotel Loriga de La Pola Siero, la so Conferencia Nacional, onde van decidir la so política d’aliances énte les eleiciones de 2011.

La organización recuerda que’l Congresu vien depués de dos meses de debate internu y múltiples aconceyamientos con organizaciones sociales, polítiques y sindicales.

Xera va actuar esti sábadu en Lisboa, nel marcu del V Festival de la Mázcara Ibérica, siendo la primer vegada qu'un grupu asturianu toque nel Palcu Ibéricu, l’escenariu principal.

El festival, que se celebra ente los díes 20 y 23 d’esti mes, ta consideráu'l pasucais temáticu más importante d'Europa, axuntando cada añu a miles de persones nes cais de la capital portuguesa.

El BNG quier un conveníu con Asturies pa que "los habitantes de fala gallega” vean reconocíos los derechos pa “restituyir” la onomástica gallega y que tola rotulación pública tea en gallegu.

"IU nun pue ser Gobiernu en Suárez de la Riva y oposición na prensa. El que nun tea contentu nel Gobiernu que marche pa casa", dixo la diputada del PP Inmaculada González.

Los ecoloxistes denuncien que n'Asturies la mar depende del interés industrial y urbanísticu, cola idea del "gran vertideru", mientres qu'obres y dragaos realícense ensin valorar l’impactu.

TPA algama güei 25.000 hores de programación. Dende la canal solliñen el compromisu cola información, l'audiencia del 7,6% y “la presencia del asturianu en gran parte de la parrilla”.

TPA, anguaño A7, primer canal de la televisión pública, entamó la so emisión regular el 9 de xunu de 2006. La canal llogró xubir la so audiencia dende'l 3% en xunu de 2006 hasta'l 7,6% n'avientu de 2009. Les retresmisiones deportives de Champions League, Lliga BBVA y F1, llogren los meyores índices d'audiencia xuntu colos espacios de ‘TPA Noticias’.

UNA esixe la realmisión d’El Ferreiro y anuncia que va estudiar la forma de que la Conseyera de Cultura pague personalmente los 25.529,28 € d'indemnización, en casu de non realmisión.

Unidá Nacionalista Asturiana quixo treslladar la so felicitación a Pepe El Ferreiro, “ún de los mayores referentes nel caltenimientu del padremuñu d’Asturies”, pola sentencia que declara'l so despidu como direutor del Museu Etnográficu de Grandas de Salime como improcedente.

El Fondu pa la Protección d'Animales Xavaces (Fapas), y los vecinos de la parroquia de Páramo de Teberga, acusaron güei al Principáu d'evitar la recuperación del gallu montés.

La Guardería de Mediu Natural de la Conseyería de Mediu Ambiente abatió un llobu na sierra de Cuovallagar, que llinda los conceyos de Proaza, Teberga y Yernes y Tameza.

Trátase d'una de les actuaciones enmarcaes nel vixente Programa Añal de Control de la población de llobu, que contempla la retirada de 33 exemplares en toa Asturies ente los años 2009 y 2010. El númberu d'exemplares determínase atendiendo a la población de llobu en cada zona y al númberu de daños o baxes producíes nes cabanes ganaderes.

La Fundación Mozilla ta acabantes d'asoleyar la so primer páxina en llingua asturiana, cola espublización del so ‘Manifiestu’, onde falen de los sos oxetivos y principios.

Mozilla y los alministradores del proyeutu, aceuten l’asturianu como una llingua más, no que se supón que ye'l pasu previu al restu de proyeutos que s'ensamen dientro de los productos Mozilla, como Firefox, Thunderbird, SeaMonkey, y una bayura d'aplicaciones.