Ta acabantes de ñacer Entemecer, “que quier articular un espaciu d'acción, llucha y pensamientu críticu que refugue les bases económiques, polítiques y sociales del capitalismu”.

Entemecer ye una iniciativa que se define como anticapitalista, internacionalista y d'esquierda, ecoloxista, que llucha contra'l racismu y la xenofobia, contra'l procesu de sustitución llingüística y la discriminación de los falantes d'asturianu y de gallego-asturianu, pola igualdá de derechos pa les persones LGTB, contra'l patriarcáu y pola lliberación de les muyeres.

Los responsables de Mediu Ambiente d'Asturies, Cantabria y Castiella y Lleón algamaron un alcuerdu pa recibir del Estáu, la xestión del Parque Nacional Picos d'Europa n'ochobre de 2010.

La xunta tuvo llugar esta mañana en Cuadonga, cola asistencia de la Conseyera de Mediu Ambiente de Castiella y Lleón, María Jesús Ruiz Ruiz; el Conseyeru de Desenvolvimientu Rural, Ganadería, Pesca y Biodiversidá, Jesús Miguel Oria Díaz; y el Conseyeru de Mediu Ambiente Ordenación del Territoriu ya Infraestructures del Principáu d'Asturies, Francisco González Buendía.

La fuelga prevista nel sector públicu pal 2 de xunu retrasóse hasta'l día 8 del mesmu mes, tres una xunta caltenida esti llunes por representantes de CCOO, UXT y CSI-CSIF.

Los sindicatos, que siguen axuntaos a estes hores, retrasaron seis díes la fuelga cola que van facer visible la so oposición a la decisión del Gobiernu de rebaxar nun 5% de media'l xornal de los funcionarios.

15.000 persones según la Policía Municipal, percorrieron ayeri Pamplona baxu’l lema ‘Nafarroan euskera bizitzeko eskubidea’ (Derechu a vivir en vascu en Navarra).

Queremos Galego prevé una participación hestórica na manifestación que convocó mañana con motivu del Día das Letras Galegas y que va xunir llingua con economía.

La manifestación, que va cuntar cola presencia de la executiva del PSdeG, va partir a les 12.00 hores de l'Alameda de la capital gallega hasta la Praza do Obradoiro, onde va tener llugar un actu central. Mientres la marcha va haber dos cartelos distintos, nos que van amosar un bollu de pan y un corazón, amosando que se quier l'idioma, pero tamién los recursos materiales del territoriu.

El Ministeriu de Xusticia francés y el Conseyu Xeneral del Poder Xudicial (CXPX) español esixen a los tribunales catalanes que nun unvien sentencies en catalán a los tribunales franceses.

Francia fixo llegar una quexa al CXPX encamentando a los xueces de Cataluña que nun unvien escritos en catalán a los tribunales del Estáu francés, porque asina frayen el reglamentu d'usos llingüísticos.

La Viceconseyera de Mediu Ambiente diz que’l reciclaxe ye l'apueste medular del modelu de xestión de borrafes, “cola valorización enerxética como solución complementaria”.

IU señaló que la sentencia sobre los fechos asocedíos nel 2007, cuando militantes d'IU y PCA enfrentáronse na sede de Plaza d'América, pon fin a un "esperpentu" políticu y xudicial.

Al traviés d'una nota de prensa, IU d'Asturies referíase asina a la sentencia de la Sala de lo Civil y lo Penal del Tribunal Superior de Xusticia d'Asturies que condenó a una falta de coacciones a cuatro dirixentes d'IU d'Asturies, incluyíos la conseyera de Bienestar Social y Vivienda, Noemí Martín, y el coordinador d'IU d'Asturies, Jesús Iglesias.

El ministru d'Educación escocés intervino per primer vegada en gaélicu nel Conseyu de ministros europeos. Amás, reclamó que cualesquier llingua tendría que ser oficial dientro de la UE.

Michael Russell, que participó esti martes en Bruxeles nel Conseyu d'Educación y Cultura como representante de Gran Bretaña, amosóse satisfechu con esti pasu pero reclamó que'l gaélicu seya dafechu oficial na UE porque cree que “cualesquier llingua falada significativamente na UE tendría que tener esti status”.