Día del Llibru Asturianu

L'Exércitu tailandés anuncia la fin de la ofensiva

|

L'Exércitu de Tailandia anunció'l fin de la ofensiva militar contra los 'camises coloraes' y aseguró que la situación en Bangkok ta baxo control.

Cuatro líderes del movimientu opositor resultaron deteníos pola Policía y un altu dirixente pidió a los sos partidarios que vuelvan a les sos cases y pongan fin a les sos protestes, según espeyen les imaxes en direuto de la televisión.

Per otra parte, tres granaes españaron cerca del campamentu de los 'camises coloraes' nel centru de Bangkok y polo menos dos soldaos y un periodista canadiense resultaron gravemente firíos, según comprobó Reuters sobro'l terrenu.
  
Un altu dirixente del movimientu opositor, Jatuporn Prompan, ofreció la so so rendición tres la ofensiva del Exércitu contra los sos campamentos en Bangkok y anunció'l fin de les protestes.
  
"Pido disculpes por too, pero nun queremos qu'haya más perdes", afirmó Jatuporn Prompan ante les 'camises coloraes' na zona en que llevantaron el so campamentu, nel centru de la capital. "Yo tamién toi desfechu, ríndome", añadió.
  
L'Exércitu llanzó una amplia ofensiva y algamó'l control de parte del campamentu. Na ofensiva morrieron polo menos cuatro persones y rexistráronse 50 firíos.
  
Per otra parte, un grupu d'opositores ocupó la sede del Conceyu de la ciudá d'Udon Thani, nel nordés del país, y prendió fueu al edificiu, según la Policía llocal. Udon Thani ye un importante feudu de les 'camises coloraes', na so mayoría partidarios del ex primer ministru Thaksin Shinawatra.

Contador Estadistiques