Esti llunes entama la UABRA

El próximu 2 d’agostu, a les 13:00 hores, nel Salón d’Actos del Institutu de Cangas del Narcea, entamen los Cursos y Actividaes de la Universidá Asturiana de Branu (UABRA).

Nel actu intervendrán el Conseyeru d’Educación y Ciencia del Gobiernu del Principáu d’Asturies, José Luis Iglesias Riopedre, el Vicerrector d’Informática y Comunicaciones, Víctor Guillermo García García, la Vicerrectora d’Estensión Universitaria, Cultura y Deportes de la Universidá d’Uviéu,, Covadonga Betegón Biempica, la Presidenta de l’Academia, Ana Mª Cano González; l’Alcalde del Conceyu de Cangas del Narcea, José Manuel Martínez González.y el Director de los Cursos, Xosé Antón González Riaño

Los Cursos y xeres complementaries desarrollaránse ente los díes 2 y 13 d’agostu y nellos van participar al rodiu de 150 persones. El proyeutu de la UABRA ta lleváu a cabu gracies a la collaboración ente l’Academia de la Llingua Asturiana, la Universidá d’Uviéu y el Conceyu de Cangas del Narcea

Esti mesmu llunes, dientro de les Actividaes Abiertes d’esta edición de la UABRA, tendrá llugar la inauguración, a les 12:00 hores, de la esposición del artista Adolfo Manzano «pequeñes nubes nel cielu, nel xardín xuxurios» na Casa de Cultura “Palaciu Omaña” de la villa canguesa.