El Bloque entama la so actividá como Grupu Parllamentariu

El Bloque por Asturies entama güei  la so actividá como Grupu Parllamentariu de la Xunta Xeneral. Amás, dende güei, Roberto Colunga, tien la condición de Voceru Parllamentariu.

“El Bloque por Asturies, ante los últimos datos del paru n´Asturies, ante les paralizaciones y retayos anunciaos n'infraestructures, obres públiques y vivienda, ante la Reforma Llaboral aprobada pol Congresu español, ante la convocatoria de fuelga xeneral pal próximu 29 de setiembre, ante les consecuencies qu'en materia d'educación, sanidá y empléu va tener la Llei d'Axuste aprobada pol Parllamentu asturianu y la proximidá de les negociaciones pal Presupuestu de 2011, va caltener l'actividá del so Grupu Parllamentariu mientres tou'l branu na Xunta Xeneral”, indiquen dende la formación.

El Grupu Parllamentariu del Bloque ponse, amás, a disposición de los ciudadanos, movimientos sociales y organizaciones sindicales y polítiques, pa ser la so voz na Xunta Xeneral y enriar les sos reivindicaciones,”nunos momentos nos que les fuerces polítiques mayoritaries ponen los sos intereses como partíu, los intereses personales de los sos miembros y amigos y les sos lluches internes pol poder, per delantre de la defensa de los derechos de los derechos d´Asturies”.