'Pola Xuntanza' valora positivamente la propuesta del 8-S

El Coleutivu Pola Xuntanza diz valorar de forma positiva la propuesta y l'apueste de los partíos nacionalistes al rodiu d'una celebración xunitaria del Día d’Asturies, el prósimu 8-S.

Esti coleutivu ta formáu por persones d’organizaciones polítiques asturianistes y ciudadanos independientes, afala la presentación d’una candidatura conxunta de calter asturianista nes próximes eleiciones a la Xunta Xeneral.  Poro, “siempre sofitaremos la realización de toa triba d’actos políticos que supongan l’averamientu de cuantes más fuercies asturianistes meyor”.

El coleutivu ve con bonos güeyos les posiciones amosaes poles organizaciones. Sicasí, “el nuesu deséu ye que nesi actu puedan tar presentes toles fuercies polítiques de calter asturianista del país ensin esceición dala.”