La XDLLA denuncia que la dirección de la RTPA ta “en rebeldía contra les instituciones democrátiques”, al llevar más de cuatro meses ensin entregar a la Procuradora Xeneral d’Asturies los informes sobre la marxinación del asturianu nel ente públicu.

L'escritor candasín David Artime presenta esti vienres la novela “La Bufanda” dientro del marcu del Salón del Llibru. Na carpa del Náuticu de Xixón a les 19 hores va presentase esta obra, ganadora del premiu de narrativa 2009 de la editorial Trabe.
 

La Noite Celta de Porcía llega esti sábadu 28 d’agostu a la so vixésimoséptima edición. Destacaos nomes del folk asturianu y internacional van dase cita n’El Franco pa esparder la música de raigañu na nueche celta más veterana d’Asturies.

La representación asturiana va aportar con Felpeyu y DRD, dos de les bandes más reconocíes del nuesu folk; el grupu llocal Cádaba, nomináu al Premiu al Meyor Cantar na so cabera edición; y la banda de gaites naviega La Reina del Truébano. El prestisoxu curdionista David Munelly va poner el toque irlandés al conciertu.

La Coordinadora Ecoloxista d’Asturies vien d’espresar el so rechazu pa cola nueva ampliación de la Cantera de Peridiella, asitiada en Piloña. El colectivu presentó alegaciones a la escontra d’esta obra nel estudiu d’impactu ambiental.
 

Israelíes y palestinos nun tienen prácticamente nenguna oportunidá d'algamar un alcuerdu de paz nel tiempu d'un añu fixáu por Estaos Xuníos, según afirmó esti miércoles el ministru israelí d'Asuntos Esteriores, Avigdor Lieberman.

La Comisión de Trabayu ya Inmigración del Senáu, con competencia llexislativa plena, refugó los vetos presentaos por ERC e ICV a la reforma llaboral na Cámara Alta y entamó l'alderique de les 289 enmiendes que se votarán a lo llargo del día como pasu previu al regresu de la reforma llaboral al Congresu.

Dempués de la votación, la portavoz del PSOE nel Senáu, Carmela Silva, felicitóse del refugue de los vetos y resaltó la importancia de que la Cámara Alta pueda collaborar na meyora de la reforma llaboral incorporando enmiendes al testu.

El sindicatu asturianu d’enseñanza, SUATEA, denuncia’l procesu d’adxudicación de places de profesoráu interinu pal cursu 2010/2011. Fallos na ellaboración de listes, recortes y precarización son les principales crítiques.

 
“Peor imposible”; asina califiquen dende SUATEA les adxudicaciones d’interinidades  de cara al nuevu cursu. El sindicatu apunta que na ellaboración de llistes cometiéronse “inaceptables errores”, daqué que repercutirá negativamente nun colectivu profesional que supón el 15 % del profesoráu asturianu.

El Festival Intercéltico d’Occidente zarró la so XIV edición con ésitu de participación y públicu. Amás, esti eventu cultural yá tien el sofitu de más de 1200 persones pa que la Conseyería de Cultura la convierta en  Fiesta d’Interés Turísticu Rexonal.
 

1223 son el númberu de persones que roblaron hasta’l pasáu llunes 23 pa que’l FIO sea Fiesta d’Interés Turísticu Rexonal. La campaña va caltenese abierta toa esta selmana, pudiéndose roblar al traviés de Facebook, na Casa’l Conceyu y en dellos llocales de Tapia.

Los presidentes de les Cámares de Comerciu d'Asturies y de Cantabria alcordaron xunise pa esixir que finen l'Autovía del Cantábricu, nos tramos Unquera-Llanes y Solares-Torrelavega.