Morrió Juan Luis de la Vallina, pá del Estatutu

Juan Luis de la Vallina morrió ayeri a los 77 años na Clínica Universitaria de Pamplona tres una grave enfermedá. Foi un hestóricu del PP d’Asturies y ún de los pás del Estatutu.

Juan Luis de la Vallina Velarde (Uviéu, 1932) foi presidente de la Diputación Provincial d’Uviéu de 1976 a 1977, d’esi añu a 1983 foi presidente d’Alianza Popular n'Asturies, tamién exerció como diputáu por Asturies nel Congresu español.

Ante too, foi miembru de la ‘Comisión de los Ocho’, encargada de redactar l’Estatutu d’Autonomia pal Principáu d’Asturies. En 1978 presentó una proposición non de llei nel Congresu de los Diputaos de que l'Escudu y la Bandera d'España incluyeren l'Escudu del nuesu país.