La xestión del ocalitu y la prevención fueos centraron la xunta del director xeneral de Política Forestal, Joaquín Arce, con representantes de la Coordinadora Ecoloxista.

Según informaron Arce nuna rueda de prensa posterior a la xunta, la política de la Conseyería en relación al ocalitu pasa por nun autorizar nueves plantaciones, asina como prohibir les d'otres especies d'ocalitu y eliminar les que se fixieron ensin autorización. Amás, Mediu Rural y Pesca apuesta por aumentar la productividá de les plantaciones ya esistentes.

Les xornaes Culturlingua, sobre la cultura y lliteratura eonaviega, algamen la so segunda xornada falando del papel de la muyer na escritura en gallego-asturianu.

 A les ocho de la tarde, Aurora García Rivas va presentar el so últimu trabayu, la novela ‘As razóis d’Anxélica’. Tres la so presentación va abrise un alderique nel que García Rivas tará acompañada de les tamién escritores María José Fraga y Aurora Bermúdez.

La presentación de ‘Faraguyas’ de Manuel García-Galano, va abrir la segunda edición de les xornaes Culturlingua, un espaciu sobre la cultura y la lliteratura en gallego-asturianu.

A los sos ochenta y ocho año Manuel García-Galano acaba de publicar el so últimu llibru de relatos, ‘Faraguyas’ que va presentase oficialmente esta tarde en Tapia (a les 19.45). El tapiegu ta consideráu unu de los maestros de la escritura en gallego-asturianu y yá tien nel so haber otros títulos como ye'l casu de “Erguendo el telón”, “Mareaxes tapiegos” o “Vento de outono”.

Los diputaos del PP Emilio Pérez y Elma Alonso criticaron la torna plasmante" na programación de Llaboral Escena, que pasó n'agostu "de la vanguardia más intensa a La Pantoja".

El Bloque súmase a la movilización del próximu miércoles entamada por COAG y los vecinos de la zona suroccidental polos retrasos de la obra de l’Autovia de La Espina.

La organización diz entender la rabia y la impotencia de los vecinos de la zona pola “tomadura de pelo” del ministru de fomentu José Blanco na so última visita a Asturies y el “silenciu cómpliz” del Principáu, “al que paez qu’Asturies y los asturianos ye lo que menos-yos importa”.

La banda de rock n’asturianu Falanoncaduca ta acabantes d’entrar nos estudios ACME d’Avilés pa grabar ‘Tiempu de povisa’, el so debú discográficu.

Los ingresos tributarios totales d'Asturies algamaos a lo llargo de 2009 xubieron a 2.076 millones d'euros, un 3,7 por cientu menos que nel pasáu 2008.

Los embalses del Cantábricu atópense al 66,4% de la so capacidá. Pela so parte, la reserva hidráulica a nivel nacional ta al 72,9%, según información del Ministeriu de Mediu Ambiente

El director xeneral de Turismu y Patrimoniu Cultural defendió la organización del Día d'Asturies y la Llaboral. Amás, llamentó les "elucubraciones malintencionaes ensin nenguna base sólida".

José Luis Vega fixo estes manifestaciones nuna rueda de prensa ufiertada n'Uviéu, na que tuvo acompañáu pol xerente de la sociedá pública Recrea, Alejandro Calvo y el coordinador de la organización del Día d'Asturies, Gonzalo José Alonso Huerdo.

TPA emite mañana, 15 d'agostu, los actos de les fiestes de San Pedrín de la Cueva, en Sariegu, consideraes d'interés turísticu: la misa n'asturianu y la demostración de deporte del país.