TPA tresmite'l Tornéu Muséu de los Bolos

TPA tresmite güei vienres, 13 d'agostu, a les 17:00, l'II Tornéu Muséu de los Bolos, de la modalidá bolu palma, que se va celebrar na bolera La Plaza, en Panes (Peñamellera Baxa).

Ye la segunda vegada que la cadena autonómica tresmite bolos d'esta especialidá, una de les principales d'esti deporte xuntu cola cuatriada, bolu vaqueiru y bolu celta.

El bolu palma ye una modalidá que se xuega principalmente nel Oriente d'Asturies, nos valles de Peñamellera y Ribedeva, asina como nuna gran parte del conceyu de Llanes. La partida xuégase con nueve bolos, de madera d'ablana o abeduriu, con una base de metal conocida como argolla.

El xuegu estrémase en dos fases: la de 'tiru', na que'l xugador llanza la bola dende la zona tamién llamada tiru; y la del 'birle', na que'l participante llanza la bola dende'l llugar onde quedara  primeramente. L'oxetivu del xuegu ye baltar el mayor númberu de bolos pente medies de el llanzamientu a distancia d'una bola de madera.

José Ramón Rodríguez va narrar la prueba que va enfrentar a les selecciones absolutes d'Asturies y Cantabria.