Roberto Sánchez Ramos ‘Rivi’, conceyal d’Asciz, acusó a Gabino de Lorenzo, alcalde d’Uviéu, d’adelantar la final del XIX Concursu y Muestra de Folklore 'Ciudad d'Uviéu'. Ésta va celebrase’l 15 de mayu cuando taba prevista pal 5 de xunu.
Los ministros de Defensa de los 28 países de la OTAN decidieron esti xueves aumentar la so presencia naval nel centru del Mediterraneu. D’esta forma, l’alianza aumenta la presión contra’l Gobiernu libiu de Muamar Gadafi.
CiU, ERC y ICV aprobaron una moción de Solidaritat Catalana per la Independencia (SI) na que reivindiquen el derechu “irrenunciable” de Catalunya al autodetermín. El Parlament tamién apoyó les consultes populares.
Coincidiendo col ‘Antroxu’ uviedín, les trabayadores y ex emplegaes del Palaciu los Neños d’Uviéu van celebrar una concentración nueva esti vienres a les 20 hores a les puertes del centru. Denuncien una situación de precariedá llaboral.
Dende’l mes pasáu furrula na rede una radio nueva col enfotu de promocionar grupos de música asturianos. Ye Monorock.net, web que nun tien ánimu d’arriquecimientu y qu’emite cantares de bandes que nun tean rexistraes na SGAE.
Yá ta abiertu’l plazu pa la presentación de trabayos pal XIV Concursu de Cuentos pola Oficialidá qu’entama’l Conceyu de Bimenes. Los interesaos tienen hasta’l 1 de xunu pa unviar les sos obres.
El Gobiernu asturianu ta contentu pola lliberación del so ex conseyeru d’Educación, José Luis Iglesias Riopedre, acusáu de corrupción supuesta n’Alministración. Asina lo certificó la so vocera, Ana Rosa Migoya, nunes declaraciones curties.
Los hosteleros asturianos van celebrar esti llunes una concentración n’Uviéu pa protestar contra la llei que prohibe fumar n’espacios públicos zarraos. Ésta va celebrase frente a la Delegación del Gobiernu estatal n’Asturies a les 18 hores.
Güei, Miércoles de Ceniza, entama la Cuaresma tres l’Antroxu, una folixa que celebren la metá de los llectores d’Asturies.com. Según la encuesta fecha en Conceyu Abiertu, un 55 por cientu participa de dalguna manera nestes xornaes festives.
El Conseyu Regulador de la Denominación d’Orixe Protexida ‘Sidra d’Asturies’ va ceder bébora pa una gala gastronómica en solidaridá con Haití. El país caribeñu ta tovía en procesu de recuperación del terremotu d’hai un añu y dos meses.
