Esti sábadu va celebrase un recital de poesía na llibrería xixonesa La buena letra cola participación de Sofía Castañón y la gallega Yolanda Castaño. L’eventu va comenzar a les 20 hores y cuenta con entrada llibre.
El procesu de renovación de la xusticia va permitir que tolos partíos xudiciales d’Asturies cuenten con un sistema de videoconferencia a lo llargo d’esti añu. Ello va permitir la meyora de les comunicaciones ente los órganos xudiciales.
Los sindicatos Suatea, CSI, CGT y CNT convocaron pa güei, a les 19 hores, una cadena humana pa reclamar el derechu a una pensión digna. Ésta va principiar nel Bancu d’España y quier llegar hasta la Delegación del Gobiernu estatal n’Asturies.
Tola flota d’EMTUSA utiliza dende esti martes un 30 por cientu de biodiésel, lo que va suponer una aforru d’unes 1.400 tonelaes de dióxidu de carbonu añales. La introducción d’esti biocombustible principió a mediaos del 2010.
Les declaraciones de Francisco Álvarez-Cascos nes que descalificaba a los policíes que taben investigando al PP pol ‘casu Gürtel’ van llevalu a declarar ante un xulgáu. Esteban González Pons salió en defensa del so ex compañeru de partíu.
El 80 por cientu de los asturianos compraría productu ecolóxicu y el 87 por cientu taría dispuestu a esixilos nos sos comercios habituales. Son los datos d’un estudiu fechu pola Unión de Consumidores d’Asturies (UCE) xunto con Mediu Rural.
‘Quen me dera na casiña’, el tema de Siniestro Total nomináu al meyor cantar en gallegu nos XV Premios de la Música, nun se va llevar el galardón. Los vigueses soliciten a los miembros de l’Academia de la Música que nun voten por ellos.
Esti xueves, a les 20 hores en L’Ayalga, va celebrase un alderique de la recién estrenada Tertulia Enrique García-Rendueles. Nesta ocasión va falase de la territorialidá asturiana, pa lo que ta convidáu l’escritor Xaviel Vilareyo.
L’Agrupación de Colectivos Asturianos (ACA) alvierte de la posibilidá de qu’Asturies se convierta nel basureru d’otres comunidaes. Solicita la nulidá de dos documentos sobre la xestión de residuos “por resultar disconformes al ordenamientu xurídicu”.
El llunes va celebrase nel Centru Municipal Integráu Pumarín-Xixón Sur el sortéu de 148 viviendes promovíes por Vipasa en Roces. Un total de 296 persones van optar a estos pisos con rentes que van dende los 237 a los 332 euros.
