Esti xueves, a les 19 hores, va presentase nel FNAC de Parque Principáu la reedición de ‘Añada pa un güeyu muertu’ d’Adolfo Camilo Díaz, asoleyada por Suburbia Ediciones. Esta novela ganó’l Premiu Xosefa Xovellanos del 1985.
 

La Coordinadora Ecoloxista d’Asturies anunció esti llunes l’ainiciu d’un espediente sancionador de la Confederación Hidrográfica del Cantábricu a Agar de Asturias. La empresa foi denunciada por vertir agua contaminao a una riega qu'acaba nel ríu Calabres.
 

Los cabezaleros de la candidatura Bloque-UNA van reunise esta tarde na sede de la Corriente Sindical d’Izquierda (CSI) colos representantes del sindicatu. L’oxetivu ye “tratar temes d’interés común”, señalen dende la coalición nacionalista.
 

 La coalición formada poles dos organizaciones asturianes presentó güei al so candidatu, Fernando Ornosa (Uviéu, 1958), persona venceyada a movimientos políticos y sociales dende los años 70, responsable del Archivu de la Música Tradicional del Pueblu d'Asturies, y que participa en política activa dende la so incorporación a UNA nel añu 2009.

68 votos a favor, 6 en contra y 4 astenciones confirmaron la salida de la Federación Asturiana de Bolos de la Española. Les amenaces de la Direición Xeneral de Deportes de dexar a l'Asturiana ensin sovenciones nun afectaron la votación.
 

L’actuación de Dixebra esti vienres (21.30 hores) na xixonesa Sala Albéniz centra l’atención musical d’esta fin de selmana. Los 300 primeros asistentes al conciertu van recibir un CD con cinco cantares inéditos de la banda.
 

La Xunión Europea (XE), tal como reclamaba’l Reinu Xuníu y Francia, ta acabante de reconocer al opositor Conseyu Nacional Libiu como “interlocutor políticu”. Al mesmu tiempu, pidió a Muamar Gadafi qu’abandonare’l poder.
 

Na selmana na que se celebró’l Día Internacional de la Muyer, la Xunta Xeneral aprobó una llei qu’impulsa les polítiques públiques d’igualdá. Esti Plenu foi’l caberu de la llexislatura actual y de Vicente Álvarez Areces como presidente d’Asturies.
 

El Congresu los Diputaos apoyó una iniciativa del BNG pa nun realizar más banzaos nel Navia. La Coordinadora Ecoloxista d’Asturies espera qu’esti alcuerdu sirva pa paralizar el banzáu de Suarna qu’afectaría a Ibias.
 

Asturies foi’l territoriu del Estáu onde más medró la inflación nos 12 meses últimos. La tasa interañal del Índiz de Precios al Consumu (IPC) en febreru foi del 4,2 por cientu, mentes que la xuba con respeuto a xineru algamó’l 0,3 por cientu.