La sidrería Villaviciosa, en Gascona, va ser la sede esti llunes de la primer preba de los llagares que faen sidre baxo’l certificáu de mazana seleicionada. Tres l’ésitu del añu pasáu, éstos tornen a apostar pola primer sidra de l’añu.
Asturies y Aragón trabayen nun proyeutu pilotu de recuperación del patrimoniu arquitectónicu rural que nel nuesu país va tener como sede l’Alto Narcea Muniellos. La Casa de Cultura Palaciu d’Omaña, en Cangas del Narcea, acoyó la presentación.
El Conceyu de Xixón va collaborar con 24.000 euros nun proyeutu de rehabilitación d’escueles na wilaya de Dajla. Amás, destina 20.280 euros a l’Asociación Asturiana d’Amigos del Pueblu Saharaui pa que pueda desarrollar el so llabor.
El Centru de Cultura Antiguu Institutu acueye dende esti miércoles una esposición que recueye 135 semeyes de países en situación de conflictu. Ésta tien el nome de 'FotoPres La Caixa 09' y va permanecer en Xixón hasta’l 24 d’abril.
Los díes 14, 15, 18, 19, 20, 28 y 29 d'abril, el seutor asturianu de la venta y l'arreglu d'automóviles va dir a la fuelga. Los sindicatos MCA-UXT y la Federación d'Industria de CC OO son los convocantes d’esti paru.
La coalición Bloque por Asturies-UNA ratificó esti miércoles la so postura contraria a la enerxía nuclear. La formación nacionalista esixó al PSOE que cumpla los sos compromisos eleutorales y pieslle les centrales esistentes nel Estáu.
El direutor xeneral de Política Forestal, Joaquín Arce, fixo públiques esti miércoles les dietes que cobró dende que llegó al cargu n’avientu del 2008. El miembru de Los Verdes d’Asturies quier asina dar exemplu de tresparencia.
Esti xueves va presentase en Xixón Izquierda Anticapitalista-Asturies, formación qu’echa andar nel país tres contar con un comité d’apoyu nes eleiciones europees del 2009. Un ruta pel Xixón revolucionariu y un alderique van centrar l’actu.
La Fiscalía de Mediu Ambiente del TSXA tien enriba la mesa una denuncia pola valtada de 112 acebos n’Eilao. Según afirma la Coordinadora Ecoloxista d’Asturies, el Conceyu nun tenía permisu p’acabar con estos árboles protexíos.
El direutor teúnicu del programa ‘Folclor na cai’, Adolfo García, aseguró na presentación de la edición d’esti añu que los grupos de la ciudá “son unos privilexaos” pol tratu recibíu del Conceyu. Na so opinión, los d’otros sitios “tán pasándolo mal”.
