La nueche d’esti llunes día 7 de marzu Xixón celebra la nueche d’antroxu con munches mazcaraes y tamién con música. D’ente les propuestes musicales qu’ufierta la nueche xixonesa va haber tamién folk, concretamente nel Café Trisquel.
El Centru Social Sestaferia tien programáu pa esti Llunes d’Antroxu una folixa cola poesía y la música como protagonistes. Nella van participar los activistes de la pallabra Pablo X. Suárez y David González, amás d’Arma X.
La gala d’entrega de los VI Premios AMAS nel Teatru Filarmónica d’Uviéu va ser l'eventu más destacáu d'esti vienres. Mentes, el sábadu’l protagonismu va ser pa Skontra, que presenta en Xixón el so disco nuevu ‘Mazcando miseries’.
Un profesor del colexu Juan Ochoa y una téunica del Serviciu de Participación y Ciudadanía del Conceyu d’Avilés van llevar a escolinos de L’Ayún trabayos fechos por estudiantes avilesinos pa ellos. Ye parte d’un hermanamientu escolar.
Alfredo Pérez Rubalcaba aseguró que la midida de reducir la velocidá máxima n’autopistes y autovíes a 110 quilómetros per hora va mantenese hasta’l 30 de xunu. De siguir la situación actual de norte d’África, podría prorrogase más tiempu.
El candidatu de BA-UNA a les eleiciones, Rafael Palacios, participó como invitáu na capital d’Arxentina nel alcuentru ‘Haciendo la paz en Colombia’. Nél tamien participó el Nobel de la Paz Adolfo Pérez Esquivel, ente otres personalidaes.
Tres el polémicu paru de los controladores aéreos nel nomáu puente de la Constitución, la festividá de Selmana Santa nun se va llibrar de problemes nos aeropuertos. Los sindicatos d’AENA convoquen una güelga pa eses feches.
Esti vienres y sábadu va celebrase en 18 establecimientos de La Pola Siero’l V Certame de Cantares de Chigre alredor de la sidra. L'Asociación Amigos del Roble entama esta actividá na que participen tertulies d’Asturies y Cantabria.
Asturies va vivir dende esta nueche cinco díes de folixa, mázcares y bona gastronomía. Llega l’Antroxu, festividá asturiana que nel pasáu entamaba col solsticiu d’iviernu y qu’agora resúmese a les xornaes previes al Miércoles de Ceniza.
Rosa Suárez, presidenta d’Asociaciones Federaes d’Autónomos d’Asturies, solicitó al Gobiernu guarderíes en polígonos y rebaxes fiscales pa muyeres qu'ainicien proyeutos. Un 41 por cientu de los autónomos del país son muyeres.
