Día del Llibru Asturianu

Asciz acusa a De Lorenzo d’adelantar la final de tonada pa que coincida cola campaña eleutoral

|

Roberto Sánchez Ramos ‘Rivi’, conceyal d’Asciz, acusó a Gabino de Lorenzo, alcalde d’Uviéu, d’adelantar la final del XIX Concursu y Muestra de Folklore 'Ciudad d'Uviéu'. Ésta va celebrase’l 15 de mayu cuando taba prevista pal 5 de xunu.
 
El representante de l'Asamblea de Ciudadanos por la Izquierda (Asciz) na Casa Conceyu considera que De Lorenzo utiliza la tonada asturiana “con fines eleutoralistes” al adelantar la fecha del concursu “pa facela coincidir cola campaña eleutoral”. Lafinal taba prevista pal 5 de xunu, una fecha habitual porque ésta siempre suel celebrase nel mes de xunu, pero esti añu’l Conceyu d’Uviéu programóla de manera definitiva pal 15 de mayu, siete díes enantes de les eleiciones municipales.
 
‘Rivi’ considera “un abusu” del primer edil l'usu de fondos públicos pa “cuestiones eleutorales” y ironizó con que “nun mos estrañaría de nenguna manera que l'alcalde tuviera pensando nun adelantu de les Fiestes de L'Ascensión tratando de faceles coincidir cola campaña electoral”.

Comentarios

Tamien  la TPA  dexo d'emitilu  per internet pa Europa!!!!!Daquien sabe porque lo facen???? sera pa afogar la cultura asturiana al extru, pa que la xente non veyan que, la tenemos!!!!!
Tou ta manipulau i nengun defiende lo nuesu!!Ye normal que lu adelante..Fai lo que quier.!!!!!

Contador Estadistiques