Día del Llibru Asturianu

La OTAN aumenta la so presencia naval nel Mediterraneu

|

Los ministros de Defensa de los 28 países de la OTAN decidieron esti xueves aumentar la so presencia naval nel centru del Mediterraneu. D’esta forma, l’alianza aumenta la presión contra’l Gobiernu libiu de Muamar Gadafi.
 
El secretariu xeneral de la Organización del Tratáu del Atlánticu Norte (OTAN), Anders Fogh Rasmussen, confirmó güei en rueda de prensa'l resultáu del aconceyamientu de los ministros en Bruxelles/Brussel, anque nun precisó'l númberu exactu de barcos que van esplegase na zona. Lo que sí resaltó'l políticu danés ye que la intención de l’alianza nun ye invadir Libia, anque "sí mandar un mensaxe claru".
 
De la mesma manera, los 28 acordaron pidir a les autoridaes militares aliaes “una planificación detallada” pa decretar de manera eventual una zona d'esclusión aérea sobre Libia si cuenta con una nueva “resolución” del Conseyu de Seguridá de la Organización de Naciones Xuníes.

Contador Estadistiques