Hostelería d’Asturies va movilizase contra la 'llei antitabacu'

Los hosteleros asturianos van celebrar esti llunes una concentración n’Uviéu pa protestar contra la llei que prohibe fumar n’espacios públicos zarraos. Ésta va celebrase frente a la Delegación del Gobiernu estatal n’Asturies a les 18 hores.
 
La movilización ta promovida por Hostelería d’Asturies y ta abierta “a toos aquellos que se vieran perxudicaos pola aplicación de la llei y, en xeneral, a tolos sectores y ciudadanos” que se muestren contrarios a la mesma. Esta concentración ye la primera que va celebrase nel país contra esta norma y busca imitar a otres asemeyaes feches n’otros puntos del Estáu.
 
“La concentración pretende llamar l’atención de los responsables políticos sobre los perxuicios que ta produciendo na hostelería, les empresas distribuidores y otres actividaes comerciales relacionaes col seutor la entrada en vigor de la llamada ‘llei antitabacu’ pa que revisen la norma y se apruebe una llei nueva que busque la conciliación y sía respetuosa colos derechos y llibertaes”, afirmen los hosteleros.