Fernando Ornosa, candidatu a l’alcaldía d’Uviéu pol Bloque por Asturies-UNA, esixe la entrada de la ciudá nel Consorciu de Tresporte d’Asturies de manera “inmediata”. Asegura que “ye una necesidá prioritaria pa los trabayadores” asturianos.
Dende'l llunes y hasta’l vienres, el 'boulevard' uviedín de la sidra va vivir les Xornaes X Aniversariu de la Sidra d’Escoyeta. Los aficionaos van poder disfrutar nos chigres de Gascona d’esta bébora con certificáu de calidá y de la gastronomía asturiana.
El númberu total de persones empadronaes n’Asturies baxó un 0,3 por cientu, lo que convierte al nuesu país nel territoriu del Estáu que perdió más población en términos relativos nel 2010. Nel conxuntu del Estáu, medró nun 0,3 por cientu.
Les cifres de paru baxaron en marzu. Tres algamar la cifra récor de 88.072 paraos en febreru, nel mes pasáu’l númberu de desemplegaos baxó en 332 persones. Mentes, nel Estáu, rexistróse un récor históricu al llegar a los 4.333.669 paraos.
La I Muestra de la Sidra de Viḷḷapindi /Villapendi va atrayer esti sábadu a Turón a un bon númberu d’aficionaos a la bébora tradicional d’Asturies. Los vecinos entamen esti eventu nel que va haber sidra de baldre y un taller d’escanciáu.
El Conceyu de Mieres tamién collabora nesta fiesta que ye antesala a la Folixa na Primavera y que naz con intención de continuidá. Al meudía van principiar les actividaes cola apetura de los puestinos y un actu nel qu’autoridaes del Conceyu de Mieres van dar a conocer el programa oficial de la Folixa na Primavera (8, 9 y 10 d’abril).
Skama la Rede, Misiva, Brandal y Lee Wolf & Maraya Zideco van ser dalgunes de les actuaciones importantes d’esta fin de selmana n’Asturies. Tamién va haber visites destacaes de grupos de fuera como Los Barrankillos y Rulo y la Contrabanda.
La propuesta presentada pola Asociación del Automóvil del Principáu d’Asturies (ASPA) convenció a los trabayadores. L’alcuerdu lleva a los sindicatos a desconvocar les siete xornaes de fuelga previstes n'abril en talleres y concesionarios.
La edición d’esti añu de la Folixa na Primavera de Mieres va tar protagonizada por grupos asturianos. Corquiéu y Macadamia van abrir les actuaciones del vienres, 8 d’abril, mentes que’l sábadu’l turnu va ser pa Blima y La Coḷḷa Propinde.
El grupu de mecigayu ska La Tarrancha yá tien confirmaes delles feches p’abril y mayu de la so xira d’esti añu. La banda asturiana va llevar la so música a Santu Adrianu, Cualloto, Xixón, Ciañu y Getxo.
Una persona de confianza de Muamar Gadafi ta en London pa negociar coles autoridaes britániques la fin del conflictu en Libia. Reinu Xuníu nun va aceptar les pretensiones del dirixente libiu y esixe que marche del poder.
