‘Rockmería’, programa de música de la RPA presentáu por Xune Elipe, va a entrevistar a Xavi Sarrià, cantante y guitarrista d’Obrint Pas na nueche del xueves. Miguel Fernandi, de Skama la Rede, va participar na entrevista.
 

Les nueches de los díes 6, 7 y 8 d’abril, l’Autovía Minera (AS-I) va sufrir cortes nel tramu que va de Bendición a La Madera. Éstos van principiar a les 23 hores y van allargase hasta les 7 hores del día siguiente.

37 persones perdieron la vida nel 2010 de manera violenta, un 117,6 por cientu más que nel añu anterior. Antonio Trevín, delegáu del Gobiernu estatal n’Asturies, señaló que’l país sigue “ente los tres más seguros” del Estáu.
 

Juan Morales, candidatu d’Independientes de Asturias (Ideas), va facer una rueda de prensa conxunta col CAO esti miércoles nel que va mostrar el so apoyu al asturianu. Dende’l coleutivu s’espera que se posicione a favor de la oficialidá.
 

La negativa de la xefatura del Serviciu d'Inspeición de Prestaciones y Servicios Sanitarios de dar tratamientu a una muyer lesbiana pa ser madre llevó a ésta a solicitar una reunión col conseyeru Quirós. Xega fixo pública esta denuncia.
 

Antonio Pino, secretariu xeneral de CO OO, y Rafael Palacios, candidatu a la presidencia d’Asturies pol Bloque-UNA, tuvieron esti miércoles un alcuentru. Dambos coincidieron n’alertar sobre la posibilidá de privatizaciones tres les eleiciones.
 

La Selmana Santa n’Asturies va venir cargada de folixes cola sidra como protagonista. La revista La Sidra entama dos eventos qu’atraen a munchos aficionaos: el Sidracrucis y el Primer Sidre l’Añu, que repite nel Muséu del Pueblu d’Asturies.
 

Jacobo de Miguel, Michael Lee Wolfe y Mapi Quintana van llevar a Uviéu y Xixón la so propuesta qu’amiesta jazz y música tradicional. La primer cita va ser el miércoles, nel Centru Cultural uviedín Caxastur San Francisco, a les 20 hores.
 

Güei ye un día prietu pa les lletres asturianes. Nel Amaro, poeta, novelista y dramaturgu de la xeneración del Surdimientu, morrió esta tarde a los 65 años. El de Quentuserrón dedicó los sos años últimos a la poesía visual.
 

Esti llunes presentóse n’Uviéu’l XXIII Conciertu pola Oficialidá, que va celebrase’l 16 d’abril cola participación d’ocho bandes. Pa esa fecha tamién va asoleyase un cantar nuevu de Músicos pola Oficialidá, ‘single’ que nun va tener formatu físicu.