Día del Llibru Asturianu

Gadafi unvía al Reinu Xuníu a un emisariu pa negociar coles autoridaes britániques

|

Una persona de confianza de Muamar Gadafi ta en London pa negociar coles autoridaes britániques la fin del conflictu en Libia. Reinu Xuníu nun va aceptar les pretensiones del dirixente libiu y esixe que marche del poder.
 
El diariu ‘The Guardian’ informó sobre estes negociaciones ente’l Gobiernu británicu y Mohamed Ismail, ún de los principales asesores d'ún de los fíos del dirixente libiu, Saif al Islam. Un voceru del Ministeriu d'Esteriores nun especificó'l conteníu concretu de les conversaciones, pero sí declararó que'l mensaxe entregáu a Ismail “ye que Gadafi tien que marchar” y que va ser xulgáu polos crimes cometíos ante'l Tribunal Penal Internacional.
 
Gadafi ta nestos momentos nun momentu complicáu pola recuperación que tán amosando les tropes opositores y la deserción de Musa Kusa, el so ministru d’Esteriores. Otros diez cargos importantes libios podríen tomar el mesmu camín que Kusa nos díes próximos, según informa ‘The Independent’, lo que dexaría al dirixente libiu al borde del abismu.

Contador Estadistiques