Asturies tuvo nos trés meses primeros del años dos accidentes llaborales mortales y 13 graves. Ello supón un descensu de la siniestralidá del 14 por cientu en relación col mesmu periodu del añu pasáu.
Bolses reutilizables, axendes y cartelos conformen el material de la campaña ‘Echa-y una mano al mundu’ qu’entama el Serviciu de Normalización Llingüística de Ḷḷena. Va tar destinada a comercios de papelería, venta de prensa y similares.
Un día depués de nun acudir a la so cita nel xulgáu poles sos declaraciones sobre la Policía pol ‘casu Gürtel’, Francisco Álvarez-Cascos tuvo que rectificar y acudir esti xueves al xulgáu. En casu contrariu, el xuez diba ordenar la so detención.
L’auditoriu municipal de Casa das Quintas, n’A Caridá, va acoyer el 15 d’abril un actu lliterariu nel que va entregase'l XX Premiu Xeira de Narracióis Curtias. Esti añu la ganadora ye Alba González Fernández col so relatu ‘Hiperhidrosis’.
Enagás, empresa que ta construyendo la regasificadora d’El Musel, solicitó a Mediu Ambiente la modificación de les condiciones medioambientales de la planta. La Coordinadora Ecoloxista reclama que nun s’autoricen estos cambios.
La Fundación José Cardín Fernández dedica esti vienres una xornada a la sidra. ‘Agora sidra’ va ufrir una conferencia de Javier Artiach Basterra entitulada ‘Una perspectiva de la sidra; mirando al futuro’.
Juan Morales, candidatu d’Ideas a la presidencia del país, protagonizó una rueda de prensa xunto con miembros del CAO esti miércoles. Nella mostró la so disposición a buscar un consensu p'algamar la oficialidá de la llingua asturiana.
El llunes finó l’escritor y artista Nel Amaro a los 65 años d’edá, pero queda’l so recuerdu y una obra que fixo sonreir y pensar a munchos asturianos. Un home que, ensin dulda, dexó buelga nel mundu del arte y de la cultura asturiana.
11.688 pasaxeros y 8.347 vehículos. Son los númberos de la llinia que xune’l puertu d’El Musel col de Saint-Nazère nos seis primeros meses de funcionamientu. La naviera LD Lines tien previsto sustituyir el ‘Norman Bridge’ por otru barcu mayor.
Francisco Álvarez-Cascos nun se presentó nel xulgáu númberu 32 de Madrid pa declarar como imputáu por calumnies al equipu policial qu’investiga’l ‘casu Gürtel’. L’abogáu del llíder de Foro Asturias pidió qu’otru xuez asuma’l casu.
