El Gobiernu ofreció esti martes datos nuevos sobre les eleiciones del 22 de mayu, yá convocaes de manera oficial tres la publicación nel BOPA del decretu firmáu’l llunes pol presidente. El votu per corréu va poder solicitase hasta’l 12 de mayu.
 

“Les deficiencies numeroses” del proyeutu d’Asturiana de Zinc pal basureru nuevu de residuos de la compañía en Carbaínos llevó a la Coordinadora a presentar alegaciones al trámite d’autorización ambiental integrada. Esti basureru va almacenar ‘jarofix’.
 

Xixón, Avilés, Cuideiru, Muros, Llastres, Ḷḷuarca y, agora, Veiga. El puertu naviegu entra na llista de cais que van poder facer desembarques superiores a los 100 quilos d’especies d’agües fonderes.
 

El Conseyu del Patrimoniu Históricu acordó presentar el Camín del Norte a Santiago de Compostela como’l candidatu del Estáu a ser catalogáu Patrimoniu Mundial de la UNESCO. El camín francés yá lo ye dende 1993.
 

Vicente Álvarez Areces, presidente del Gobiernu, firmó esti llunes el decretu pol que se convoquen eleiciones pal 22 de mayu. Los asturianos van escoyer 45 diputaos de la Xunta Xeneral: 34 pol centru, 6 pol oriente y 5 pol occidente.
 

Joaquín de la Riva, fiscal de Mediu Ambiente, presentó ante instancies xudiciales 23 denuncies nel 2010 por incendios forestales provocaos. 22 llegaron tres investigaciones del Bripas y una por aición de la Guardería de Mediu Natural.
 

Juan Laborda, titular del Xulgáu d'Instrucción númberu 5 de Xixón, dictó’l sobreseimientu provisional de la causa contra l’ex arquiteutu xefe de Xixón. Ovidio Blanco taba acusáu de sobornu, tráficu d'influencies y usu d'información privilexada.
 

Trece histories alredor de semeyes de Jandro Llaneza conformen ‘Contadores de lluz’, llibru de Suburbia Ediciones que va presentase'l xueves na FNAC. Vanessa Gutiérrez, Sofía Castañón y Pablo X. Suárez van participar nel actu.
 

Dende’l vienres, 1 d’abril, el preciu del billete únicu del Consorciu de Tresporte d’Asturies va ser un 5 por cientu más baratu. Esta midida pretende incentivar el tresporte públicu y collaborar coles midíes d’aforru enerxéticu del Gobiernu estatal.
 

Les irregularidaes ambientales que tán produciéndose na cantera de Castañera llevó a la Coordinadora Ecoloxista a solicitar a Mines la so paralización. Hai dos años, los ecoloxistes yá denunciaron la so situación precaria.