Al igual qu’otros servicios de normalización del país, el de Siero entamó a trabayar esta selmana en delles campañes de promoción del asturianu. Éstes tán destinaes a escolinos y hostelería, y al fomentu del reciclaxe y la igualdá.
La Xunta pola Defensa de la Llingua Asturiana denuncia l’ausencia del asturianu y de la toponimia tradicional nel Muséu Arqueolóxicu d’Asturies. La instalación reabrióse’l llunes tres doce años de trabayos d'ampliación y rehabilitación.
El grupu de punk-folk Skontra va llevar al escenariu del Teatru Vital Aza los cantares del so discu nuevu ‘Mazcando Miseries’ y los sos temes más clásicos. El conciertu va principiar a les 20.30 hores y la entrada ye de baldre.
‘La hora del Planeta’ ye una iniciativa a nivel mundial convocada por WWF que pretende concienciar a la población pa lluchar contra’l cambiu climáticu. El coleutivu ecoloxista solicita a la ciudadanía qu’apague esti sábadu la lluz per una hora.
La Universidá d’Uviéu ta acabante de dar un pasu perimportante pa la dignificación de la llingua asturiana na institución. Trátase de la creación de la Comisión de Normalización Llingüística del Asturianu, que va asesorar al rector na materia.
El BOPA del 22 de marzu saca a información pública la solicitú d’autorización alministrativa y declaración d’impactu ambiental de delles llinies d’alta tensión nueves. Toes xuniríense cola polémica llinia Soto-Penagos.
La Coordinadora Ecoloxista solicitó al Gobiernu una investigación sobre les razones de la presencia d’un “golor fuerte a hidrocarburos aromáticos” que provocó l’alarma ente los vecinos de Caces. Esti golor produció-yos irritaciones, picores y molesties.
El viernes, sábadu y domingu, la uviedina Plaza de Trescorrales va acoyer el I Salón del Llibru Solidariu. Nél van participar diecisiete editoriales que van donar un llibru a delles instituciones por cada exemplar que vendan.
Tres dellos díes de negociaciones, la Organización del Tratáu del Atlánticu Norte (OTAN) decidió garrar el mandu militar de la operación en Libia pa frenar los ataques de Gadafi contra la población civil. L'Alianza sustitúi asina a Estaos Xuníos.
La Orde Ministerial de la Presidencia que regula’l canon dixital dende’l 2008 foi anulada esti xueves pola Audiencia Nacional. Ello nun quier dicir que desapaeza esta tasa, puesto que la ministra señaló que’entren en validez les tarifes del 2006.
