La Tertulia Enrique García-Rendueles, organizada pola asociación N’Ast y l’Atenéu Cultural Xuan María Acebal, va tar dedicada esta selmana al movimientu vecinal. Sabel Tuñón ye la convidada d’esti xueves en L’Ayalga.
‘Xuacu Amieva, onde l’agua ñaz’ ye’l nome d’un documental de 40 minutos de duración dedicáu a la trayeutoria del gaiteru asturianu. Esta obra ye iniciativa d’alumnos y alumnes del CIFP CISLAN y presentóse’l llunes nel Cine Felgueroso de Sama.
El Grupo Trabanco, enfotáu en siguir promocionando la nuesa bébora tradicional fuera de les nueses llendes y n’abrir mercaos, va presentar la so sidra de collecha propio en Madrid. Va ser el xueves nel Vicente Calderón, enantes de la Sidroquedada.
La tasa interañal del Índiz de Precios al Consumu (IPC) situóse n’Asturies nun 4,1 por cientu, porcentaxe que namái supera Castilla-La Mancha, con un 4,2 por cientu. La media estatal continúa nun 3,6 por cientu.
L’Aeropuertu d’Asturies recibió 307.773 pasaxeros nos tres meses primeros del añu. Ello supón una xuba del 12 por cientu en comparanza colos datos del añu anterior. Tamién medró’l númberu d’aterrizaxes y despegues: un 19,8 por cientu.
Korrika ye’l nome d’esta carrera en defensa del euskera que nació nel 1980 y que lleva diecisiete ediciones, si contamos l’actual. Miles de persones de toles edaes y condición participen nesta iniciativa qu’esti llunes pasa per Amurrio.
El XXV Salón de Gourmets, que se celebra dende’l llunes hasta’l xueves na Feria de Madrid, va contar cola participación de 15 marques de sidra DOP. Diez mil persones van poder pasar pel ‘Túnel de la Sidra’ y prebar la nuesa bébora.
Cerca de 500 mozos y moces de los institutos de Xixón van vivir el martes una xornada especial alredor de la so llingua materna. ‘Saca la llingua’, actividá entamada pola Oficina Municipal de la Llingua, va tener como sede la Llaboral.
Con un incrementu del 6,8 por cientu, Asturies convirtióse nel país onde más medró’l reciclaxe de vidriu. Ello supón que cada asturianu recicla 14,6 quilogramos al añu, lloñe tovía de los 27 quilos de los baleares.
La oficina d’Uviéu de Tráficu cuenta dende’l llunes con un serviciu de cita previa teléfonica p’axilizar trámites y evitar esperes a los usuarios. Alcorcón y Uviéu son les dos ciudaes onde ta furrulando esti proyeutu pilotu.
