El casu que fixo públicu Xega d’una muyer a la que-y negaron el tratamientu pa ser madre pola so condición sexual llevó al Bloque-UNA a esixir esplicaciones. Palacios señala qu’esta postura “nun tien cabida nuna sociedá civilizada y democrática”.
Dende esti vienres y al domingu, Mieres va vivir tres díes de música folk y sidra nel marcu de la XVI Folixa na Primavera. Macadamia, Corquiéu, Blima y La Coḷḷa Propinde son los grupos que participen nesta edición de la Folixa.
Con permisu de les actuaciones de la Folixa na Primavera, los conciertos de Talco y La Tarrancha van protagonizar la fin de selmana musical n’Asturies. Los italianos toquen esti vienres en Xixón y los asturianos, el sábadu en Cualloto.
El 35 por cientu de los usuarios d’Asturies.com consideren que “se necesita una xuntanza real ente les principales formaciones” asturianistes p’algamar representación. Mentes, el 30 por cientu consideren que l’asturianismu “ta muertu”.
La viceconseyera de Mediu Ambiente, Belén Fernández, comunicó que la osa fería de gravedá “evoluciona dientro de la normalidá”, anque’l so pronósticu ye reserváu. Personal de la Fundación Oso Pardo atopó al exemplar en Ḷḷaron.
‘Compromisu’ ye’l nome d’un proyeutu novedosu entamáu por Bloque por Asturies-UNA d’Uviéu. Trátase d’un periódicu nel que firmes de renome de la vida social uviedina reflexonen sobre les propuestes de la coalición nacionalista.
L’Asociación Música Tradicional Muyeres y Factoría Norte van presentar esti sábadu, a les 20.30 hores nel Teatru Xovellanos de Xixón, l’espectáculu ‘Inda Suenen’. Nél van sonar 25 temes escoyíos ente’l repertoriu d’esti coleutivu musical.
Tres espulsar a Caja del Mediterráneo (CAM) del procesu de fusión, Caxastur, Caja Cantabria y Caja de Extremadura van retomar el camín pa formar un grupu nuevu. El llunes van presentar al Banco de España el so proyeutu.
El Teatru Riera de Villaviciosa va ser sede esti sábadu d’un conciertu solidariu a favor de la ONG Medicus Mundi. Miembros de La Tarrancha y d’otres formaciones van participar nesta iniciativa de Bailosolo y Banda Nocturna.
Un fema d’osu pardu fería de gravedá ta siendo atendida nun centru veterinariu d’Uviéu. Personal de la Fundación Oso Pardo atopó al exemplar, de dos años y 30 quilos de pesu, en Ḷḷaron nun estáu preocupante.
