Pendientes del cielu. Asina anden esti llunes n’Avilés, onde van disfrutar de la Xinta na Cai de les fiestes del Bollu de la ciudá. Más de 15.000 persones apuntáronse a esta celebración, a los qu’hai que sumar la xente mozo que va al parque Ferrera.
Esti martes va abrise’l plazu pa presentar les solicitúes d’almisión nos centros escolares pal alumnáu d’ingresu nuevu. Los pas tienen hasta’l 6 de mayu pa pidir colexu pa los sos fíos o pa camudar de centru de cara’l cursu próximu.
La Unidá de Reproducción Asisitida denegó a una muyer la medicación necesaria pal tratamientu pa ser madre. Al igual qu’asocediera hai delles selmanes, la razón d’esta decisión ye la condición sexual d’esta muyer, según Xega.
Rafael Palacios, candidatu de Bloque por Asturies-UNA, propunxo esti miércoles “un pautu asturianu pola Universidá d’Uviéu” p’asegurar la financiación de la institución y el so futuru. En rueda de prensa, tamién criticó el ‘Plan Boloña’.
L’Área de Mocedá del Conciyu de Ḷḷena ta acabante d’espublizar les bases de la VI Amuesa de Teatru Local ‘¿Mires o actúes?’. Nél pueden participar los mozos y moces de tolos colexos, institutos, grupos o asociaciones del conceyu.
El domingu, el Xardín Botánicu Atlánticu de Xixón va vivir una xornada de puertes abiertes pa celebrar el so octavu aniversariu. La Banda Municipal de Música de Xixón va ufrir un conciertu na instalación a les 13 hores.
Na tarde del miércoles, de 18 a 19 hores, va celebrase en Xixón una concentración pa esixir la lliberta de Manu Brabo, fotoperiodista xixonés deteníu en Libia hai 15 díes xunto con otros tres periodistes. La Plaza Mayor va acoyer esti actu.
La VIII Feria d’Artesanía de Villaviciosa abre esti miércoles les sos puertes fiel a la cita cola Selmana Santa maliaya. Diecisiete artesanos van ufrir hasta’l domingu los sos trabayos fechos con acebache, madera, cerámica, piedra o cueru.
La Fundación Caveda y Nava tien presidente nuevu. El profesor de Filoloxía na Universidá d'Uviéu, Ramón d’Andrés, sustitúi a Inaciu Iglesias al frente de la entidá que tien como oxetivu buscar un consensu pa da-y un futuru a les llingües d’Asturies.
Asturies, con un 9,4 sobre 10, ye’l territoriu con una meyor nota en satisfaición ente los turistes encuestaos pol Institutu d’Estudios Turísticos (IET) del Ministeriu d'Industria. Navarra (9,1) y Extremadura (9) son les siguientes na llista.
