Na mañana del xueves diéronse a conocer los ganadores de los XV Premios de la Música. Anabel Santiago, col so cantar ‘Ágora’, llevóse'l premiu al meyor cantar n’asturianu al que tamién taben nominaos Corquiéu y Brandal.
 

Los llectores d’Asturies.com consideren que cuatro formaciones van tener representación na llexislatura próxima na Xunta Xeneral. El 44 por cientu de los llectores escoyeron esta opción na entruga que llanzamos en Conceyu Abiertu.
 

Una etapa ente Uviéu y Xixón va abrir la LV Vuelta a Asturies, que tien como novedá principal el cambiu del color del maillot de llíder pa pasar a ser azul y mariellu. Santi Pérez ye’l favoritu pa ganar una ronda qu’esti añu incopora la Xuba al Naranco.
 

Avilés va vivir el sábadu una esperiencia novedosa pa celebrar el Día del Llibru, qu’esti añu se retrasó a esta selmana al cayer en festivu. Dellos coleutivos van promocionar al mesmu tiempu la llectura y l’usu de la bicicleta como mediu de tresporte.
 

Los usuarios tienen dende esti xueves a la so disposición la versión 11.04 d’Ubuntu. El sábadu, na FNAC, va celebrase una presentación del sistema operativu y les persones que lleven el so ordenador van poder instalalu de baldre.
 

La sala de conferencies del Centru de Cultura Antiguu Institutu va acoyer esti xueves la presentación del llibru de rellatos ‘Nome’, d’Iris Díaz Trancho. L’autora va tar presente nel actu xunto col escritor Antón García.
 

‘Nun somos llinguateros’, cantar de Músicos pola Oficialidá que va servir de banda sonora a la promoción de la manifestación del Día de les Lletres, yá ta disponible na rede pa descargase de baldre. Esti tema avérase a soníos soul y funky.
 

Bloque por Asturies-UNA presentó esti miércoles les sos propuestes en material musical. Reclama un 8 de setiembre “que valga d’escaparate a la riqueza musical d’Asturies” y la creación d’una entidá alternativa a la SGAE, ente otres.
 

Asturies.com en collaboración cola Banda de Gaites Llariegu regala dos entraes pal espectáculu "Llariegu 100% directu" que presenten güei nel Teatru de La Llaboral a partir de les 20'45h el Teatru de La Llaboral.

El Fondu xUnitariu de Solidaridá Obrera d’Asturies (FUSOA) tresllada a Ciañu la Folixa que celebra dende hai 9 años con motivu del Día del Trabayador. Arma X, La Tarrancha, Skama la Rede y Insershow van ser les actuaciones.