Según los datos del CIS, el PSOE ganaría les eleiciones n’Asturies al sumar 19 escaños, anque la derecha podría garrar el Gobiernu al sumar ente’l PP y FAC 23 escaños. IX-LV se quedaría con 3. Tola información nel especial ‘Eleiciones 2011’.
Esti vienres ye’l Día de les Lletres Asturianes y la cercanía coles eleiciones da pa pensar na posibilidá de que dalgún partíu pudiera dar el so apoyu al asturianu aprovechando esta xornada. Los usuarios d’Asturies.com nun son optimistes nesti sen.
La Mancomunidá d’Ozcos-Eo y el Parque Histórico del Navia celebren esti vienres el Día das Lletras Asturianas cola segunda edición de ‘Al son das lletras’. Esta actividá permite la llectura de baldre d’obres escrites en gallego-asturiano.
La uviedina sala Tribeca abre esti xueves el ciclu de conciertos de primer nivel programáu por Santo Grial pa los meses de mayu y xunu. Dos grupos asturianos, Misiva y Mala Reputación, van encargase de reinaugurar esti espaciu pa 400 persones.
Vicente Álvarez Areces participó esti miércoles per primer vez na llectura institucional de testos n’asturianu con motivu de la Selmana de les Lletres Asturianes. El presidente del Gobiernu d’Asturies recitó ‘Acabación’, de Mánfer de la Llera.
Caxastur dio un pasu alantre nel procesu de fusión con Caja Cantabria y Caja de Extremadura. L’asamblea de la caxa d’aforros asturiana acordó la creación d’un bancu nuevu ente les tres, al igual que la cántabra y la estremeña.
El Teatro Riera de Villaviciosa va acoyer dos actividaes con motivu de la XXXII Selmana de les Lletres Asturianes. La obra de teatru 'Tuxa' va protagonizar la xornada del miércoles, mentes que pal xueves ta previstu un recital de poesía.
La Coordinadora Ecoloxista denunció ante la Confederación Hidrográfica del Cantábricu y el Gobiernu d’Asturies un vertíu nuevu nel ríu Nora. Según señalen los ecoloxistes, pudieron vese cientos de truches muertes nun tramu de cuatro quilómetros.
La Xunta pola Defensa de la Llingua Asturiana va sacar na televisión pública’l so anunciu pa movilizar a la ciudadanía de cara a la manifestación pol Día de les Lletres Asturianes. Tamién va emitir 16 cuñes na RPA.
Esti martes van principiar les actividaes de la XXXII Selmana de les Lletres Asturianes con una gala nel Teatru Nuevu de La Felguera. Nesta ocasión la celebración ta dedicada al escritor Manuel d’Andrés Fernández ‘Mánfer de la Llera’ (1918-2005).
