El Xardín Botánicu Atlánticu celebra’l so octavu aniversariu con una xornada de puertes abiertes

El domingu, el Xardín Botánicu Atlánticu de Xixón va vivir una xornada de puertes abiertes pa celebrar el so octavu aniversariu. La Banda Municipal de Música de Xixón va ufrir un conciertu na instalación a les 13 hores.
 
D’esta forma, toles persones que quieran facer una visita a esti impresionante especiu verde de Cabueñes nun van tener que pagar entrada pa pasear y contemplar les maravilles qu’escuende’l Botánicu. L’horariu d’apertura de la instalación ye de 10 a 18 hores.
 
El Xardín Botánicu Atlánticu, inauguráu’l 25 d’abril del 2003, ocupa na actualidá una superficie de 16 hectárees y alberga más de 30.000 plantes como muestra de 2.200 especies naturales distintos centraes nes dos orilles del mundu Atlánticu. Nel so interior tamién incorpora’l Xardín de La Isla, con más de 150 años, y el Monumentu Natural de La Carbayera d’El Tragamón, una viesca que cuenta con árboles de 400 años de vida.