Más de 15.000 persones van participar na Xinta na Cai de les fiestes del Bollu d’Avilés

Pendientes del cielu. Asina anden esti llunes n’Avilés, onde van disfrutar de la Xinta na Cai de les fiestes del Bollu de la ciudá. Más de 15.000 persones apuntáronse a esta celebración, a los qu’hai que sumar la xente mozo que va al parque Ferrera.
 
La Xinta na Cai, que vive la so decimonovena edición, ye l’actividá más multitudinaria del Bollu. Esta celebración que coincide col llunes de Pascua axunta tolos años a miles de personas procedentes d’Avilés y de toda Asturies pa vivir una xornada de confraternización nes cais del cascu antiguu d’Avilés xunto con familiares, collacios y vecinos. Nes meses instalaes pol Conceyu, los productos asturianos son protagonistes.
 
A los más de 15.000 inscritos pa esta edición de la Xinta na Cai, hai que sumar los 8.000 que se calcula que van reunise nel parque Ferrera pa celebrar esta xornada. Esta zona verde de la ciudá ye la preferida pola xente mozo pa participar nesta folixa. Les previsiones meteorolóxiques pa la hora de la xinta son optimistes, anque tol mundu n’Avilés anda agora pendiente del cielu.