Na mañana d’esti martes, la Fiscalía d’Asturies solicitó la llibertá baxo fianza de 150.000 euros pa María Jesús Otero y Marta Renedo. Dambes permanecen en prisión dende’l 26 de xineru por un casu presuntu de corrupción na Alministración.
El 22 de mayu van celebrase les eleiciones nacionales y de conceyos y n’Asturies.com queremos ufrir a los nuesos usuarios tola información d’esta cita coles urnes. Por ello, echamos a andar l’especial ‘Eleiciones 2011’.
La Xunta pola Defensa de la Llingua Asturiana espublizó’l llunes un vidiu pa convocar a tolos asturianos a la manifestación del vienres pol Día de les Lletres. Nél apaecen l’actriz María Cotiello, Esther Fonseca y Xosé Antón ‘Ambás’.
Ḷḷena ta en fiestes y la música n’asturianu va tar presente. Dixebra, Toli Morilla, La Coḷḷa Propinde, Fala non Caduca o Skama la Rede son dalgunes de les actuaciones que tán previstes estos díes en La Pola, que ta viviendo La Flor.
La Sala Espacio Líquido de Xixón acueye esti sábadu un cuentacuentos a cargu del Grupu Epona al que tán convidaos tolos neños y neñes. Los presentes van disfrutar del cuentu participativu y educativu ‘Los gatinos ecoloxistes’.
Tres l’ésitu de l’añu pasáu, Ciañu va acoyer la segunda Romería de Primavera, que va contar con una montonera d’actividaes. Ésta va celebrase esti domingu y va incluyir el certame ‘Cantando pelos chigres’.
Esti vienres va celebrase la primer actividá de l’Asociación Cultural La Semiente, coleutivu de L’Entregu que quier dinamizar la vida cultural y social de la cuenca’l Nalón. A les 22 hores ta prevista una proyeición de semeyes actuales y antigües del pueblu.
L’Asociación de Escritores Noveles entama esta fin de selmana nel paséu de Begoña un mercáu de llibros d’ocasión solidariu pa celebrar el Día del Llibru. Tolos beneficios d’esta iniciativa van dir pa l’Asociación Xixonesa de Caridá-Cocina Económica.
Mediu Ambiente retrucó esta selmana a la Coordinadora Ecoloxista que la conseyería nun autorizó la quema de residuu nengún a Química del Nalón. Asegura que lo que permitió ye la incorporación d’un restu non peligrosu al procesu de fabricación.
Esti xueves, los sindicatos CC OO, UXT y USO salieron a la cai con motivu del Día Internacional de la Salú y la Seguridá nel Trabayu. Éstos denunciaron que les emprese “baxaron la guardia” nes midíes de seguridá por mor de la crisis.
