Uviéu va contar con una programación de conciertos de bandes de renome gracies a la iniciativa de la Sala Tribeca y de Santo Grial. Mala Reputación y Misiva van abrir una serie d’actuaciones na sala, que cuenta con un escenariu y un equipu renováu.
Comisiones Obreres del Nalón y del Caudal convocaron pa esti miércoles, a les 19 hores, una manifestación baxo’l lema ‘Pol emplegu nes cuenques mineres’. Bloque por Asturies sofita esta protesta, la tercera col mesmu oxetivu n’añu y mediu.
El Conseyu de Gobiernu autorizó esti miércoles una partida de 579.600 euros pa financiar la convocatoria pública de subvenciones pa la normalización social del asturianu. Nesta partida tamién entren les ayudes al gallego-asturiano.
El conseyeru de Salú y Servicios Sanitarios, Ramón Quirós, unvió una carta a la muyer lesbiana a la que-y denegaron un tratamientu pa ser madre pola so condición sexual. Quirós va recibir a esta persona’l 4 de mayu.
José Luis Rodríguez Zapatero, presidente del Gobiernu estatal, nun tien previsto establecer midíes d’axuste nueves pese a les recomendaciones del FMI. L’organizacion intergubernamental señaló’l martes que l’axuste fiscal nel Estáu “tien que siguir”.
Representantes de la Coordinadora Ecoloxista d'Asturies presentaron alegaciones ante’l Ministeriu d’Industria nel trámite d’estudiu ambiental pa la subestación de Serín nueva. Ésta tien delles llinees d’alta tensión asociaes de 400 quilovatios.
Les tres caxes d’aforros que tán preparando un procesu de fusión nuevu tres descartar a CAM van decidir sobre esti proyeutu’l 4 de mayu. Caxastur, Caja Cantabria y Caja de Extremadura van convocar asamblea xeneral.
La militancia de la organización xuvenil Darréu, nos conceyos de la Cuenca del Nalón y la Cuenca del Caudal, alcordó entamar una campaña pública y organizada denunciando la falta d'espectatives nes Cuenques Mineres.
El proyeutu de la Fundación Aula de las Metáforas de crear una Biblioteca de Poesía Asturiana yá ye una realidá. Esti xueves, a les 19.30 hores na capilla de los Dolores de Grau, va celebrase la inauguración d’esta iniciativa.
