L’únicu diariu gallegu qu’utilizaba la llingua del país de manera predominante, el ‘Xornal de Galicia’, salió güei per cabera vegada a los quioscos. L’actividá del periódicu va continuar n’Internet con una plantiyá más curtia.
José Luis Villanueva, presidente de la Federación Internacional de Centros Asturianos (FICA), entregó’l miércoles la Carabela de Plata a la Federación de Bolos. Ésti ye’l gallardón más importante que conceden los emigrantes asturianos.
Na asamblea celebrada esti miércoles, los indignaos d’Avilés decidieron volver a acampar na Plaza de la Casa Conceyu al menos hasta’l domingu. D’esta forma quieren mostrar la so solidaridá colos sos compañeros de Madrid.
Tres la polémica pol modelu fechu pola marca italiana Kappa como primer equipación del Sporting, bautizáu pola afición como ‘el piyama’, el conxuntu xixonés yá dispón d’una camiseta más clásica. Falta por ver si va tar pal estrenu en Lliga.
La RFEF nun permite l’usu de banderes autonómiques na recoyida de trofeos de les sos seleiciones tres la final del Européu sub-21 del 25 de xunu. Esta decisión diose a conocer tres l’incidente de Ginés Meléndez cola bandera d’Asturies.
El Conseyu de Gobiernu, a propuesta de Francisco Álvarez-Cascos, aprobó l’aniciu del espediente de concesión de la medaya de plata d’Asturies a títulu póstumu a Emilio Llamedo. El presidente del comité organizador del Seya morrió’l sábadu.
Un 82 por cientu de los nuesos llectores mostraron la so satisfaición pol nomamientu d’Emilio Marcos Vallaure como conseyeru de Cultura. L’ex direutor del Muséu de Belles Artes declaró que va tener l’asturianu ente les sos prioridaes.
El domingu va celebrase en Llanes una edición nueva de la Muestra de Quesos del Oriente d’Asturies. Un total de 25 ellaboradores de delles variedaes van ufrir les sos creaciones a les persones que s’averen a la plaza de Santa Ana.
El Centru Teunolóxicu de L’Entregu entama la so actividá cola sola presencia d’una empresa –treslladada dende Llangréu– nes sos instalaciones. Bloque-UNA critica la ocupación nula del centru pese a les promeses feches por Graciano Torre.
L’Asociación de Vecinos La Cruz de Ciares desmintió que la direutiva del coleutivu propunxera Los Pericones al Conceyu pa instalar ehí la ‘Semana Negra’. D’esta forma desmárquense de les pallabres del martes de Rafael Felgueroso.
