La plaza del Anchu de Villaviciosa va acoyer, esti martes y miércoles, la celebración del XII Mercáu Maliayu. La Cruz Bermeya llocal entama esti eventu pa recaudar fondos pa desarrollar les sos actividaes humanitaries.
La Denominación d’Orixe Protexida Sidra d’Asturies entama esti martes la primer preba de sidra que tien previsto celebrar nesta edición de la FIDMA. Los participantes van poder beber cuatro palos distintos acompañaos de quesu Cabrales.
Xurde Blanco, secretariu del Aconceyamientu de Xuristes pol Asturianu (AXA), unvió una carta al presidente d’Asturies y al Conseyeru de Cultura y Deporte. Nella solicita la redaición billingüe de tolos documentos de l’Alministración.
Tres la eleición de la Mesa de Coordinación Provisional d’Equo Asturies el mes pasáu, esti proyeutu ecoloxista de calter estatal echa a andar nel nuesu país. Eugenia Suárez y Adrián Blanco son los voceros d’esta formación.
Bloque por Asturies y UNA tán en conversaciones p’avanzar nel desarrollu del so proyeutu políticu común que quieren abrir a sectores nuevos el 8 setiembre. Les dos formaciones van facer un actu conxuntu pa festexar el Día d’Asturies.
El vienres 26 d’agostu, la Llaboral va vivir una ‘Nueche del Rock Asturianu’ na que van actuar Pablo Moro, Dr. Explosion y Dixebra. Asturies.com va sortear 15 entraes pal conciertu ente los nuesos llectores por cortesía d’EP Management.
Xosé Lluis García Arias tuvo presente como públicu na mesa redonda sobre la TPA que se celebró na UABRA. "Nun pue sorprendenos que nun tea faciendo un llabor de normalización. Lo raro sedría que lo fixera", aseguró sobre l'ente públicu.
‘Pol amor d’una muyer’, de Pablo Rodríguez Medina, llevóse’l primer premiu del concursu de microrrellatos en llingua asturiana que convoca l’Asociación de Vecinos ‘El Hórreo del Carbayedo’. El segundu premiu foi pa Vítor Suárez Piñero.
Los sindicatos CO OO y UXT desconvocaron esti xueves la fuelga indefinida prevista n’ALSA pal 15 d’agostu. La empresa accedió a cumplir delles de les reivindicaciones más importantes de los trabayadores.
El xuráu del V Premiu Timón p’autores n’asturianu y gallego-asturiano decidió esti miércoles concedé-y el gallardón a Vicente García Oliva. El xixonés va recibir el premiu’l 17 de setiembre dientro de los actos de L’Arribada.
