La Federación de Bolos recibió en Xixón la Carabela de Plata de los Centros Asturianos

José Luis Villanueva, presidente de la Federación Internacional de Centros Asturianos (FICA), entregó’l miércoles la Carabela de Plata a la Federación de Bolos. Ésti ye’l gallardón más importante que conceden los emigrantes asturianos.
 
José Desiderio Díaz López, presidente de la Federación de Bolos d’Asturies, foi l’encargáu de recoyer la Carabela de Plata nun actu celebráu nel Centru Municipal Integráu de L’Arena nel que tamién taba presente Carlos Rubiera, conceyal de Cultura del Conceyu de Xixón. Na so intervención, Villanueva destacó la importancia que tuvieron los bolos como nexu ente los emigrantes asturianos que salieron a buscar un futuru meyor y calificó a esti deporte de “cultura”.
 
Mentes, Díaz López, fixó énfasis tamién na importancia que tuvieron los bolos allá onde un grupu d’asturianos s’estableció y destacó que nun hai centru asturianu nel mundu que nun tenga bolera. D’igual forma foi críticu col Gobiernu d’Asturies saliente pola posición que mantuvo cola polémica de la Federación Asturiana cola Federación Española de Bolos que llevó a los asturianos a salise d’ésta y recordó la figura de Senén Pinilla, amante d’esti deporte y presidente del Centru Asturianu de Torrevieja que morrió n’agostu del 2009. Pela so parte, Rubiera recordó la importancia que tuvo los bolos na so vida y comprometió l’apoyu del Gobiernu y del Conceyu de Xixón a esti deporte.