El téunicu de la seleición española sub-19, Ginés Meléndez, tuvo un xestu mui feu col sportinguista Juan Muñiz na celebración del Européu. Quitó-y de males maneres la bandera d’Asturies mentes dexó a otros xugadores llevar la d’España.
Jesús Iglesias, coordinador d’Izquierda Xunida (IX), afirmó que la so formación ta “indignada” poles decisiones de Fomentu pa cola Variante de Payares. Considera “una estafa” la instalación del anchu convencional y nun cree que tea abierta pal 2012.
Xabiel García Pañeda ye direutor d'area de xestión d'I+D+i y dirixe ún de los cursos de la UABRA. Asturies.com faló con elli en Cangas del Narcea del reglamentu de doctoráu acabante aprobar y que según el profesor "va dexar que se presenten tesis n'asturianu y eso ye un gran fitu pa la llingua".
Rafael Felgueroso, voceru de la xunta del gobiernu municipal de Xixón, amosó la disposición de FAC de dialogar con Paco Ignacio Taibo II p’atopar una ubicación afayadiza pa la ‘Semana Negra’. Los Pericones ye una de les posibilidaes que señaló.
El descensu del paru n’Asturies continúa a bon ritmu al rexistrar en xunetu un 2,51 de desemplegaos menos que nel mes anterior. D’esta forma, el nuesu país tien agora 78.717 paraos, 9.335 menos qu’en febreru, cuando se batió’l récor históricu.
El Serida va disponer de 849.907 euros pa poner en marcha nueve proyeutos d’investigación en recursos y teunoloxíes agraries. D’esta forma, l’organismu suma hasta 18 los estudios finaciaos con esti programa del Ministeriu de Ciencia.
La Universidá Asturiana de Branu (UABRA) principió esti llunes la so actividá con un actu nel Palaciu d'Oumaña na que tenía prevista la so presencia Emilio Marcos Vallaure. Un problema de salú menor impidió la participación del conseyeru.
L’Alministrador d’Infraestructures Ferroviaries (Adif), dependiente de Fomentu, comprometióse a que la variante de Payares tea abierta al tráficu nel 2012. Estos díes hubo rumores sobre un retrasu posible de l’apertura hasta’l 2014.
Los trabayadores asturianos d’ALSA van dir a la fuelga de manera indefinida a partir del 15 d’agostu. El motivu ye la falta de respuesta de la compañía a les reivindicaciones de la plantiya.
Permanecer na parcela pegada al campus, mantener les mesmes cantidaes de subvención y tener un respuesta enantes del 15 de setiembre. Éstes son les trés condiciones que pon Taibo II pa que la ‘Semana Negra’ continúe en Xixón.
