Ramón del Riego, conseyeru de Facienda, va pidir esplicaciones a la ministra Elena Salgado “pol tratu de non favor hacia Asturies” respeuto a otros territorios. El miércoles va participar nel Conseyu de Política Fiscal y Financiera.
 

La FSA-PSOE taría dispuesta a apoyar los presupuestos nacionales “si lo que presenta FAC ta en relación col interés xeneral d’Asturies”. Sicasí, el so secretariu xeneral, Javier Fernández, asegura que ye “difícil” atopar “puntos d’alcuerdu”.
 

El Recintu Ferial Luis Adaro yá ta preparándose p’acoyer una edición nueva de la Feria Internacional de Muestres d’Asturies (FIDMA), que cumple 55 años. Ésta va principiar el 6 d’agostu y va reunir a 2.000 espositores de cinco continentes.
 

Carmen Sanjurjo, secretaria d’igualdá de la FSA-PSOE, y la diputada Mariví Monteserín criticaron la poca presencia de muyeres nel Gobiernu d’Álvarez-Cascos. Seis de los nueve conseyeros son homes y nun hai nenguna viceconseyera.
 

El domingu 7 d’agostu ye la fecha escoyida pol Conceyu de Llanes pa celebrar la XXIV Muestra de Quesos del Oriente d’Asturies. Como cada añu, la plaza de Santa Ana va acoyer los puestos de los ellaboradores de quesu.
 

José Luis Rodríguez Zapatero reclamó a la Xunión Europea una “declaración xunitaria” contra’l fanatismu y la xenofobia tres los atentaos de Noruega que provocaron más de 90 muertos. Estos actos terroristes foron obra d’un ultraderechista.
 

Les banderes d’Asturies dexáronse ver esti domingu en Madrid nuna manifestación d’indignaos que percorrió les cais de la ciudá. Mediu centenar d’asturianos aportaron el sábadu a la capital castellana tres una marcha de protesta de 23 díes.
 

L’uviedín Samuel Sánchez convirtióse nel primer asturianu en ganar la clasificación de la montaña del Tour de France. El ciclista del Euskaltel-Euskadi completó asina una participación espectacular que tuvo como premiu’l trunfu en Luz-Ardiden.
 

El Fondu Asturianu pa la Proteición de la Fauna Salvaxe (Fapas) criticó la persecución que sufre por parte de la Xunta de Galicia pol allinamientu d’una águila pescadora en territoriu asturianu. El país vecín entiende qu’eses tierres son gallegues.