La población ayerana de Murias va celebrar esta fin de selmana’l so XIII Mercáu Tradicional, qu’esti añu amplíase un día. Los Hermanos Valle Roso, el trío Santos-Varela-Caleya y Héctor Braga van actuar nesta folixa.
La Coordinadora d’ONGD d’Asturies va presentar esti vienres nel rexistru del Conceyu de Xixón un manifiestu contra’l Festival Aereu de Xixón. Más de 180 persones y coleutivos firmaron esti documentu que reclama “una sociedá llibre d’exércitos”.
La Fundación Bancu d’Alimentos d’Asturies aumentó la so actividá de manera considerable nos seis meses primeros del añu. Nesti tiempu, la institución benéfica repartió 1.332.000 quilos de comida ente 14.830 persones necesitaes.
El grupu parllamentariu PSM-Iniciativa Verds-Entesa y Més Menorca criticó al Gobiernu balear del Partido Popular por “arrequexar” al catalán. La intención del Executivu ye que l’idioma dexe de ser requisitu nel accesu a la función pública.
La intención de Francisco Álvarez-Cascos de desarrollar dafechu la Llei de Promoción y Usu del Asturianu/Bable foi bien recibida pol 44 por cientu de los llectores d’Asturies.com. Consideren que ye un pasu importante pa la nuesa llingua.
El Parque de la Prehistoria de Teberga acueye esta fin de selmana trés ‘Nueches Prehistóriques’, que piesllen el programa de ‘Viva les Nueches’. Dixebra va ufrir un conciertu de baldre’l sábadu na instalación museística a les 22.30 hores.
L’Asociación Ye Too Ponese tien en marcha’l proyeutu ‘La Contraportada’, periódicu asturianu d’información xeneral con un enfoque social que va distribuyise de baldre a partir de setiembre. La llingua asturiana va tener sitiu nesta publicación.
Nel trescursu del Conseyu de Política Fiscal, el Gobiernu va proponer a les comunidaes normes de gastu como les aprobaes pal Estáu y los conceyos el 1 de xunetu. El Conseyu vive una etapa nueva, con mayor presencia de la derecha.
Una delegación de Xunta Moza tuvo presente la selmana pasada en Gasteiz pa participar nel Alcuentru Internacional de Mocedá Europeo Falante de Llingües Minoritaries/Minorizaes. Ente tolos participantes alcordaron un manifiestu.
En FAC nun sentaron bien les acusaciones de la FSA-PSOE pola poca presencia de muyeres nel Gobiernu. Enrique Álvarez Sostres, voceru de FAC, retrucó a Carmen Sanjurjo que’l so grupu parllamentariu tien más muyeres que’l ‘socialista’.
