Candás vive dende esti miércoles la so cita añal col teatru costumista asturianu. Doce obres de teatru van representase nel Prendes hasta’l 28 d’agostu, de les que siete son estrenos absolutos. La gala de los 'Aurora' va ser el 2 de setiembre.
Un 53 por cientu de los llectores d’Asturies.com consideraben necesaria la midida de José Luis Rodríguez Zapatero d’adelantar les eleiciones xenerales. El 20 de payares va ser la segunda cita de los asturianos coles urnes esti añu.
La primer xornada de Lliga en Primera y Segunda División nun va celebrase poles discrepancies ente l’AFE y la LFP. El Sporting debía debutar en El Madrigal el sábadu y ye posible que xuegue un amistosu col Deportivo pa nun perder el ritmu.
El coleutivu Sofitu dio l’anuncia del casu d’un mozu d’Uviéu que recibió una multa d’un Policía Llocal por llevar na matrícula del so coche’l distintivu ‘AS’ en sustitución de la ‘E’. Nel Parlament catalán hai un debate abiertu pol usu del ‘CAT’.
Pablo Fernández, secretariu d’organización de Bloque por Asturies-UNA, señaló que la so formación refuga’l copagu sanitariu y la devolución de competencies. Entiende que son “midíes retrógades, de dereches”.
El XV Festival Intercélticu d’Occidente (FIDO) dio entamu esti martes col izáu de la bandera ‘multicolor’ que recueye los símbolos d’Asturies, Galicia, Breizh y Gibraltar. Pa esti miércoles ta prevista la segunda xornada de Culturlingua.
La editorial Trabe ta acabante d'asoleyar "A pespunte", llibru col que la escritora Montserrat Garnacho algamara l'últimu premiu MªXosefa Canellada de Lliteratura Infantil y Xuvenil.
Comisiones Obreres d’Asturies (CC OO) apunta qu’esisten 64 convenios coleutivos por anovase. Según señalen dende’l sindicatu, éstos afeutaríen a unos 37.000 trabayadores asturianos, de los que 10.000 son del metal.
La Tertulia Cultural El Garrapiellu ta acabante de convocar la vixésima edición del so Concursu de Cuentos Curtios. El plazu d’entrega de los trabayos va zarrase’l 13 d’ochobre y el 25 d’esi mes va fallase’l ganador.
Esta fin de selmana pasada celebróse en Llancaiach Fawr, cerca de Nelson, l’International Craft Cider de Cymru. Asturies y la so sidra tuvo representación nesti certame galés gracies a la participación de la revista La Sidra.
